Ажәабжьқәа

Популярное

Аӡын ӡынроуп, аха акрыфара ианаамҭоу еиҿкаазароуп: Аҟәатәи амаамынқәа рпитомник ааӡамҭақәа ишьақәгылаз ахьҭақәа шырхырго

6432
12.02.2020 13:47
Аӡын ӡынроуп, аха акрыфара ианаамҭоу еиҿкаазароуп: Аҟәатәи амаамынқәа рпитомник ааӡамҭақәа ишьақәгылаз ахьҭақәа шырхырго
Аекперименталтә паталогиеи атерапиеи рзы Анаука-ҭҵааратә Институт адиректор Зураб Амқәаб Аҧсныпресс акорреспондент диҿцәажәо амаамынқәа аӡынтәи аамҭахәҭазы рҭагылазаашьа зеиҧшроу далацәажәеит. 

Аҟәа. Жәабранмза 12. Аҧсныпресс. Ҭамара Ачба. Аексперименталтә паталогиеи атерапиеи рзы Анаука-ҭҵааратә Институт адиректор Зураб Амқәаб Аҧсныпресс акорреспондент диҿцәажәо иҟаиҵаз адыррақәа рыла, аӡынтәи аамҭахәҭа азы амаамынқәа ахьҭаку аволиерқәа рҧхахоит. 

“Аӡынтәи аамҭахәҭа азы апитомник аҿы амаамынқәа зҭаку аҩнқәа рҧхахоит. Аҧстәқәа рыкрафара арацион шыҟац иаанхоит.  

Урҭ рыфатә иалоуп ашәырқәа, ауҭраҭыхқәа, аҭыҧаҿы иҭрыжьуа акомбикорм. Иара убас ҳара ҳмаамынқәа даара бзиа ирбоит ачеи азараҟьеи”. 

Зураб Амқәаб иажәақәа рыла, иахьазы апитомник аҿы иҟоу амаамынқәа рхыҧхьаӡара 430 рҟынӡа инаӡоит. “Урҭ ирылоуп макака-резус, анубис, мартышка, павиан, гамадрила, лапундер, иавантәи амакака, иапонтәи амакака, капуцина, уҳәа ахкқәа. Иазгәасҭарц сҭахуп, ҳара ҳпавианқәеи ҳгамадрилақәеи 70-тәи ашықәсқәа рзы аҧсабараҿы рхы иақәиҭны ишынхоз, убри аҟнытә урҭ аӡынратәи ахьҭақәа ибзианы ирхыргоит. Убри аан, урҭ ирықәу ахәу аӡынра еиҳагьы ижәпахоит. Егьырҭ амаамынқәа рыхкқәа, иаагозар, амартышкақәа, акапуцинақәа, аӡынра еиҳа иахьыҧхароу аҭыҧқәа рахь ииаҳгоит”. 


(АП): Аҟәатәи амаамынқәа рпитомник –  ҳазну аамҭазы иҟоу рҟынтәи зегьы реиҳа иажәу, ҧыхьатәи Асовет Еидгылара аҿы зегьы раҧхьаӡа иаҧҵаз априматологиатә Центр ауп. Уи XX ашәышықәса, 20-тәи ашықәсқәа рзы амаамынқәа ҧсабарала рыҟазаара аҭыҧқәа рынҭыҵ амедицинатә експериментқәа рымҩаҧгара азы амедика-биологиатә станциа аҳасабала иаҧҵан. 1957 шықәса инаркны астанциа  Асовет Еидгыла Анаукақәа Ракадемиа аексперименталтә патологиеи атерапиеи рзы аҭҵаара-дырратә Институт (НИИЭПиТ) аҳасабала еиҭашьақәыргылан, анаҩс, 1997 шықәса инаркны уи Аҧсны Анаукақәа Ракадемиа аструктура иалалеит. 

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа