Ажәабжьқәа

Аџьынџьуаа рырхынҳәразы Аҳәынҭкарратә Еилакы аҧырҵеижьҭеи 22 шықәса ҵит

559
23.03.2015 10:10
Аџьынџьуаа рырхынҳәразы Аҳәынҭкарратә Еилакы аҧырҵеижьҭеи  22 шықәса ҵит
Аҳәынҭқарратә Еилакы аус ауеижьҭеи, Ҭырқәтәыла, Сириа, Иорданиа, Баҭым, Нхыҵ Кавказ, Европа, Америка, Канада инхоз хнызқьи бжаҩык ҳџьынџьуаа рыҧсадгьыл ахь ихынҳәит. 

Аҟәа. Март 23. Аҧсныпресс. “Ҳара есымша ҳџьынџьуаа рынхаратә ҭагылазаашьақәа ҳрыцклаҧшуеит, урҭ рҭоурыхтә ҧсадгьыл иатәылауааны рхы рбатә азы иҳалшо зегьы ҟаҳҵоит. Урҭ рахьтә џьоукы, рхала анхарҭа ҭыҧла рҽеиқәдыршәеит, егьырҭ ҳара афинанстә цхыраареи анхарҭатә ҭыҧлеи ала адгылара раҳҭеит”, - ҳәа иҳәеит “Аҧсныпресс” акорреспондент даниҿцәажәоз аџьынџьуаа рырхынҳәразы Аҳәынҭқарратә Еилакы ахантәаҩы ихаҭыҧуаҩ Ерқан Қәҭарба.

Азакәан “О репатриации” инақәыршәаны XlX ашәышықәсазы иҟаз ахҭыс бааҧсқәа ирыхҟьаны, забдуцәа зыҧсадгьыл ааныжьны ацара зықәшәаз ҳџьынџьуаа рыҧсадгьыл ахь ианыхынҳә инаркны, 5 шықәса ирылагӡаны арепатриант истатус роуеит. Ари аамҭа аҩныҵҟа, Аҳәынҭқарратә Еилакы урҭ афинанстә цхыраара рынаҭоит, анхареи адгьыл ҭыҧқәеи рзоунажьуеит, Аҧсны атәылауаҩра аиуреи усурала аиқәыршәареи рҿы ацхыраара рынаҭоит, ахәыҷбаҳчақәа рҿы рыҟазаареи иреиҳау аҵараиурҭақәа рҿы рҵареи ахәҧса рхахьы иргоит. 

Аџьынџьуаа рырхынҳәра иазкәу аҳәынҭқарратә программа ахарџь адгыларазы 1998 ш. абиуџьетнҭыҵтәи аџьынџьуаа Рфонд еиҿкаан.

“Иҳаҩсыз ҩышықәсеи бжаки рыла Сириантәи Аҧсныҟа иааит 500-ҩык инарзынаҧшуа ауаа. Раҧхьатәи агәыҧ Аҧсны ақалақьқәа рсасаирҭақәа рҿы инҳархеит, нас аамҭала ауаҭахқәа ирыҩнаҳҵеит, урҭ рқьыра ашәаразы Аҳәынҭқарратә Еилакы есымза иазоунажьуеит 1,5-2 миллион мааҭ. Уажәтәи аамҭазы, Алашарбагеи Аҕәыӡереи аҳаблақәа рҿы, ҳара аџьынџьуаа рзы аҩнеихагыла аргылара хҳарқәшоит”, - ҳәа иазгәеиҭеит Ерқан Қәҭарба. 

Аџьынџьуаа рырхынҳәразы Аҳәынҭқарратә Еилакы еиҿкаан март 23, 1993 шықәсазы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа