Ажәабжьқәа

Популярное

Аҳәынҭкарра Ахада 2019 шықәсазтәи ацитрустә ҽаҩра аекспорт азҵаарақәа рзы аилацәажәара мҩаҧигеит

297
05.11.2019 19:02
Аҳәынҭкарра Ахада 2019 шықәсазтәи ацитрустә ҽаҩра аекспорт азҵаарақәа рзы аилацәажәара мҩаҧигеит
Аҳәынҭқарра Ахада иақәнагоу аусбарҭақәа, рҿаҧхьа аҳасабтәқәа ықәиргылеит аҧсны-урыстәылатәи аҳәааҟны ҧынгылада ацитрусқәа рекспорт алыршаразы.

Аҟәа. Абҵарамза 5. Аҧсныпресс. Аҧсны Аҳәынҭкарра Ахада Рауль Ҳаџьымба 2019 шықәсазтәи ацитрустә ҽаҩра аекспорт азҵаарақәа рзы аилацәажәара мҩаҧигеит.  Абри атәы аалыцҳауеит Аҧсны Аҳәынҭқарра Ахада ипресс-маӡаныҟәгаҩ Наала Аҩӡҧҳа.

Аацҳамҭа излаанацҳауа ала, Аҳәынҭқарра Ахада иақәнагоу аусбарҭақәа, Аҳәынҭқарратә шәарҭадара амаҵзура Аҳәаахьчаратә отриад, Аҵиаақәа ркарантин азы аҳәынҭқарратә инспекциа, Аҳәынҭқарратә ветеринартә маҵзура, Астандартқәеи, ахархәаратәи, атехникатә хылаҧшреи рзы аҳәынҭқарратә Еилакы, Аҳәынҭқарратә ҳазалхратә Еилакы, АУН “Аҧсныаалыҵекспорт”, Ақыҭанхамҩазы аҳәынҭқарратә Еилакы, Аҩныҵҟатәи аусқәа Рминистррагьы уахь иналаҵаны, рҿаҧхьа аҳасабтәқәа ықәиргылеит аҧсны-урыстәылатәи аҳәааҟны ҧынгылада ацитрусқәа рекспорт алыршаразы.

“Аҧсныаалыҵекспорт” аусура иалҵшәаны иҟалароуп Аҳәынҭқарратә ҳазалхратә Еилаки Аҳәаахьчаратә отриади русеицурала ацитрусқәа иақәнагоу документла еиқәыршәаны, ҧынгыла рымамкәа аҳәаа ралгара алыршара. Аидарақәа рымҩангара азҵаара акәзар, уи ҕәҕәала ахылаҧшра амазароуп”, – ҳәа иҳәеит Аҳәынҭқарра Ахада.

Аилацәажәара аихшьаалақәа ҟаҵо, Аҳәынҭқарра Ахада иақәнагоу аусбарҭақәеи АУН “Аҧсныаалыҵекспорти” аҳәынҭқарра аганахьала ақыҭанхамҩатә аалыҵ аекспорт аиҿкаареи ақыҭанхамҩатә аалыҵ аҧсны-урыстәылатәи аҳәаа иахыганы агараан ашәатәқәа рышәагаа ашьақәыргылареи рыҟны ирнаҭо алшарақәа рзы аилыркаагатә информациатә усура амҩаҧгара рнапы ианиҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа