Ажәабжьқәа

Популярное

Аҳәынҭқарратә маҵзурауааи адепутатцәеи рхашәалахәы адикларациа азура азы Азакәан рыдыркылеит

32
06.02.2020 15:27
Аҳәынҭқарратә маҵзурауааи адепутатцәеи рхашәалахәы адикларациа азура азы Азакәан рыдыркылеит
Азакәан апроект Апарламент адепутатцәа аҵыхәтәантәи аҧхьараҿы ирыдыркылеит.

Аҟәа. Жәабранмза 6. Аҧсныпресс. Елена Полуиан/Лана Ҵәыџьба. Аҧсны Жәлар Реизара – Апарламент аилатәара аҿы “Аҳәынҭқарратә маҵзурауааи адепутатцәеи рхашәалахәы, рхарџь, рмазара, амазаратә ҟазшьа змоу рҭакҧхықәра азы“ азакәан апроект иалацәажәеит.

Аусшәҟәы адгалара мҩаҧго, апарламентбжьаратәии жәларбжьаратәии аимадареи, аитәылауаа рымадареи рзы апарламенттә Еилакы ахантәаҩы Асҭамыр Логәуа, иарбоу азакәан апроект Еиду амилаҭқәа Реиҿкаара Аконвенциа 20 ахәҭаҷ иалоу хәҭаны ишыҟоу инаҵшьны иазгәеиҭеит.

Асҭамыр Логәуа  аусшәҟәы заанаҵтәи аҧхьарақәа рышьҭахь азакәан апроект алагалазы зыдгалара мҩаҧгаз аиҭакрақәа дрылацәажәеит: “Азакәан инақәыршәаны зыдгалара мҩаҧысуа адекларациақәа, аҳәынҭқарратә маӡа азы Азакәан иаҵанакуа адыррақәа уахь иналамҵакәа, идмырзо дыррақәаны иҟаӡам. Адекларант имҩаҧиго аилаӡарақәа зегьы рыла ихарџьқәа, иара убас иҭаацәа иреиуоу зегьы – еиҭамҵуа амал аахәара, атранспорттә хархәагақәа, ихәдуу ақьаадқәа, алахәхаратә хәҭаа, аиуристтә хаҿқәа рыҧҟаҧҵәатә капитал алахәхаратә хәҭаа, уҳәа  ала инарыгӡо еиуеиҧшым аилаӡарақәа рыла ахарџьқәа реицҵалыҵ адекларанти уи иҭаацәа иреиуоуи (иааигәоу иуацәа) аилаӡара абжьаҵара аҧхьа ҩы-шықәса рыла ироуз ахашәалахәы аицҵалыҵ аҵкыс еиҳазар, иара убас аилаӡара амҩаҧгараан иныхыз аҧаратә хархәагақәа хыҵхырҭас ирымоу рзы адаррақәа хымҧада иааирҧшыр ахәҭоуп.

Ахашәалахәқәа рзы адыррақәа раармырҧшреи, мамзаргьы ахашәалахәы, ахарџь, ахзатәы мазара, амазаратә ҟазшьа змоу аҭакҧхықәра азы ишидыруа имцыку адыррақәа ралагалара рзы адекларант иааникыло амаҵураҭыҧ аҟынтәи ихы дақәиҭтәхоит, иара убас азакәанҧҵара инақәыршәаны аҭакҧхықәра дақәыршәахоит. Адекларациақәа кьыҧхьхоит ашәахтәқәеи аизгақәеи Рминистрра аофициалтә саит аҿы, анаҩс, адекларациа аҭаразы иазыҧҵәоу 30-мшы ирҭагӡоу аҽҳәара анынҵәалак ашьҭахь, иарбоу Аминистрра адекларациақәа акьыҧхьразы агазеҭқәа рахь идәықәнаҵоит”.

Азакәан апроект далацәажәо, Аҳәынҭқарра Ахада Апарламент аҿы ихаҭарнак Дмитри Шамба инаҵшьны иазгәеиҭеит: “Аусхкытәии аџьатә закәанҧҵарақәеи, Аҧсны ашьаусеилыргаратә Закәанеидкылеи аиҭакрақәа ралагалара ҟалаанӡа, иарбоу аусшәҟәы аҧсҭазаараҿы анагӡара акыр иуадаҩхоит, ақьаад аҿы иаанхаз декларацианы иҟалар алшоит”.

Ахәҭакахьала, адепутат Асҭамыр Логәуа убасҵәҟьа иаҧшьу азакәанҧҵара аиҭакрақәеи ацҵақәеи ралагаларазы конкретла аҽхәара азыҧҵәара азы Апарламент ахь аҳәара ҟаиҵеит. 

Убри аан Натали Смыр “аҭаацәа иреиуоу” ҳәа аилкаара аҳәаақәа рырҭбаареи, иара убас азакәан апроект аҿы адекларант егьырҭ иуацәагьы рхашәалахәы азҧхьагәаҭареи рзы ажәалагала ҟалҵеит.

Азакәан апроект аҵыхәтәантәи аҧхьараҿы ирыдыркылеит.

Иара убас, аилатәара аҿы  аҳәынҭқарра-зинтә политика азы апарламенттә Еилакы ахантәаҩы Валери Агрбеи, атәылахьчареи амилаҭтә шәарҭадареи рзы апарламенттә Еилакы ахантәаҩы Илиа Гәыниеи адепутатцәа ирыдыргалаз “Аҧсны Аҳәынҭқарра Ахада иалхрақәа рзы” Аконституциатә закәан аиҭакрақәеи ацҵақәеи ралагаларазы ҩ-проект ирыхәҧшын.

Аилацәажәарақәа рышьҭахь имҩаҧгаз абжьыҭира алҵшәақәа рыла, иарбоу азакәан апроектқәа адгыларада иаанхеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа