Ажәабжьқәа

Популярное

Аҳәынҭқарратә бызшәа аҿиара иазку аусмҩаҧгатәқәа рзы Ақәҵара ҭыжьуп

59
24.04.2019 10:28
Аҳәынҭқарратә бызшәа аҿиара иазку аусмҩаҧгатәқәа рзы Ақәҵара ҭыжьуп
Аҧсны аҳәынҭқарратә бызшәатә политика азы аҳәынҭқарратә Еилакы иҳәынҭқаратәым ателерадиоеилахәырақәеи, арҿиаратә хеидкыларақәеи, авторцәеи рахь ахәыҷтәы фильмқәеи адырраҭарақәеи раиураҿы ацхырааразы иадҵаалаларц азҧхьанҵа аиуит.

Аҟәа. Мшаҧымза 24. Аҧсныпресс. Аҧсны аҧыза-министр Валери Бганба Аҳәынҭқарратә бызшәа аҿиара иазку аусмҩаҧгатәқәа рзы Ақәҵара инапы аҵаиҩит. Абри атәы аанацҳауеит аминистрцәа Реилазаара аофициалтә саит.

Аусшәҟәы инақәыршәаны, абызшәатә политика азы аҳәынҭқарратә Еилакы аҧсуа бызшәала ицәажәо ахәыҷтәы фильмқәеи адырраҭарақәеи иаку абаза аҧҵаразы анапынҵа аҭоуп. 

Иара убас, Аҧснытәи аҳәынҭқарратә телерадиоеилахәыра архив аҿы иҟоу аҧсышәала ицәажәо ахәыҷтәы фильмқәеи амультфильмқәеи, арлахҿыхратәи аҵарадырратәи адырраҭарақәеи ркопиақәа, лаҵарамза 10, 2019 шықәса иахымгакәа аҳәынҭқарратә бызшәатә политика азы аҳәынҭқарратә Еилакы аҭаразы азҧхьанҵа аиуит.

Акультуреи аҭоурых-культуратә ҭынха ахьчара Аминистрра, аҵареи аҭҵаарадырреи Рминистрра, уҳәа егьырҭ аҳәынҭқарратә напхгараҭара аусбарҭақәа ирымоу, аҳәынҭқарратә биуџьет ахарџь ала, мамзаргьы аҳәынҭқарратә ҿаҵа аҳәаақәа ирҭагӡаны иаҧҵоу ахәыҷтәы фильмқәеи адырраҭарақәеи ркопиақәа, абызшәатә политика азы аҳәынҭқарратә Еилакы иарҭарц азы азҧхьанҵа рыҭоуп.

Убри аан, аҳәынҭқарратә бызшәатә политика азы аҳәынҭқарратә Еилакы иҳәынҭқаратәым ателерадиоеилахәырақәеи, арҿиаратә хеидкыларақәеи, авторцәеи рахь ахәыҷтәы фильмқәеи адырраҭарақәеи раиураҿы ацхырааразы иадҵаалаларц азҧхьанҵа аиуит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа