Ажәабжьқәа

Популярное

Аҩ-ҳәынҭқаррак реизыҟазаашьа шьаҭанкыла иҿыцу аетап алагеит – Аԥсни Урыстәылеи рыбжьара аинтеграциа арӷәӷәара – Семион Григориев

690
21.08.2015 14:08
Аҩ-ҳәынҭқаррак реизыҟазаашьа шьаҭанкыла иҿыцу аетап алагеит – Аԥсни Урыстәылеи рыбжьара аинтеграциа арӷәӷәара – Семион Григориев
Аԥсны ахьыԥшымра азхарҵеижьҭеи быжьшықәса аҵра инамаданы Москва аҩны имҩаԥысыз астол гьежь аҿы аҩ-ҳәынҭқаррак реизыҟазаашьа арӷәӷәара азҵаарақәа жәпакы ирылацәажеит. 

Аҟәа. Август 21. Аԥсныпресс. Астол гьежь Аԥсны иҟоу Урыстәыла аитәылауааи, аурысцәа реидгыла Акоординациатә Хеилак ала еиҿкаауп. Убри аан Урыстәыла Афедерациа Ацҳаражәҳәарҭа, Урыстәыла аусеицура Ахаҭарнакра, Москва аҩны ацхыраара ҟарҵеит. 

Ара еизеит Аԥсны Ахада Иусбарҭа, Аминистрцәа Реилазаара ахаҭарнакцәа, адепутатцәа анаукатәи уаажәларратәи усзуҩцәа, арҿиаратә интеллигенциа, Аԥсуа Иашахаҵаратә Уахәама анаԥхгара. Ацҳаражәҳәаҩ аилацәажәара атема азгәеиҭеит: “Иахьа ҳара ари аусмҩаԥгатә абзоурала Аԥсни Урыстәылеи рҭоурых аҿы ари арыцхә – август 26 – Урыстәыла аганахьала Аԥсны ахьыԥшымра азхаҵара иааннакылаз аҭыԥ азы ҳгәаанагарақәа ҳҳәартә еиԥш аҭагылазаашьа ҳамоуп”. 

Семион Григориев иазгәеиҭеит: “ Быжьшықәса – ирацәам аамҭоуп, аха уи иалагӡаны аҩ-тәылак реимабзиаратә еизыҟазаашьақәа рзы иҟаҵоугьы маҷым. Аҩ-ҳәынҭқаррак реизыҟазаашьа шьаҭанкыла иҿыцу аетап алагеит – Аԥсни Урыстәылеи рыбжьара аинтеграциа арӷәӷәара. 

Уи, иара убас уажәаԥхьагьы еиуеиԥшым асимпозиумқәа рҿы ишьҭырххьаз азҵаара алацәажәара азы ажәалагала ҟаиҵеит: “Аԥсны ахьыԥшымра азхаҵарала акырҭуа-аԥсуа конфликт аҵыхәтәанынӡа иҭышәынтәалан ҳәа Мраҭашәара аитәылақәа рҿы ирымоу агәаанагара ҵаҵӷәыс иамоу. Ас еиԥш агәаанагарақәа, иаагозар, Европатәи Аидгыла ала еиҿкаау еиуеиԥшым аусмҩаԥгатәқәа рҿы аарԥшра аиухьеит. 

Аԥсны аԥыза-министр актәи ихаҭыԥуаҩ Шамиль Аӡынба иазгәеиҭеит: “Ҳара иуадаҩыз, игәымбылџьбараз аибашьра аҿы аиааира шаҳгазгьы есыҽны, есымза, есышықәса ҳтәыла аполитикатә наԥхгара аҳәынҭқарра аҟазаара иазықәԥон. Ишаабо еиԥш аибашьра алҵшәа мацара ала ари азҵаара ҭышәынтәаланы изыҟамлеит. Август 26 аҽны ауп уи азҵаареи, иара убас ҳтәыла адәныҟатәи ашәарҭадара апроблемеи аныӡбаз. Иахьазы Аԥсны аҿиара ҳауаажәлар рнапы иануп. 

Астол гьежь алахәылацәа Аԥсны, Урыстәыла, Қырҭтәыла реизыҟазаашьа аҭоурыхтә аспектқәа ирылацәажәеит. Аԥсны аҿиара иацу агуманитартә проблемақәа рзы ргәаанагарақәа рҳәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа