Ажәабжьқәа

Популярное

Аҳәынҭқарра Ахада ихаҭыҧуаҩи агәабзиарахьчареи асоциалтә еиқәыршәареи рзы аминистри Аҟәа ақалақь аҿы иҟалаз аиҿахысраҿы ааха зауз ахәышәтәырҭаҿы илыдҵаалеит

390
27.11.2019 17:03
Аҳәынҭқарра Ахада ихаҭыҧуаҩи агәабзиарахьчареи асоциалтә еиқәыршәареи рзы аминистри Аҟәа ақалақь аҿы иҟалаз аиҿахысраҿы ааха зауз ахәышәтәырҭаҿы илыдҵаалеит
Ареспубликатә хәышәтәырҭеи Ареспубликатә Унитартә Наплакы “Аҧсныформациа” анапхгараҭара, Доминика Акьыртаа лыҧсы аиқәырхаразы иахәҭоу зегьы оперативла амҩаҧгара азы иашьашәалоу анапынҵақәа рыҭоуп.

Аҟәа. Абҵарамза 27. Аҧсныпресс. Аҳәынҭқарра Ахада ихаҭыҧуаҩ Аслан Барцыци агәабзиарахьчареи асоциалтә еиқәыршәареи рзы аминистр Ҭамаз Цахнакиеи, Аҳәынҭқарра Ахада иҟаиҵаз анапынҵа ала, Аҟәа ақалақь аҿы иҟалаз аиҿахысраҿы ааха зауз Доминика Акьыртаа ахәышәтәырҭаҿы илыдҵаалеит.

Доминика Акьыртаа илоуз ахәра ҕәҕәа иахҟьаны, абҵарамза 22 инаркны Аҧсны агәабзиарахьчара Аминистрра Ареспубликатә хәышәтәырҭа ареанимациатә ҟәша аҿы дыҟоуп.

Аацҳамҭа излаанацҳауа ала, аҭаара аҳәаақәа ирҭагӡаны, Ареспубликатә хәышәтәырҭеи Ареспубликатә Унитартә Наплакы “Аҧсныформациа” анапхгараҭара, згәабзиаратә ҭагылазаашьа ахҧатәи аҩаӡара акома ҳәа аҟазшьарбара змоу Доминика Акьыртаа лыҧсы аиқәырхаразы иахәҭоу зегьы оперативла амҩаҧгара азы иашьашәалоу анапынҵақәа рыҭоуп.
 

(АП): Абҵарамза 22, асааҭ 14:40 инарзынаҧшуа, Аҟәа ақалақь, Леон имҩаду аҿы, х-ҩык ахацәа асабрадақәа рҿаҵаны, араҟа игылоу аҧхынтәи акаҳауажәырҭа “Сан Ремо” аганахьала амашьынаҟынтәи автоматтә бџьар ала ахысра иалагеит.

Аҧсны аҩныҵҟатәи аусқәа Рминистрра иҟанаҵо адыррақәа рыла, аиҿахысра аан иҭахеит ҩыџьа ахацәа – Асҭамыр Шамбеи Алхас Аҩӡбеи. Иара убас ҧшь-ҩык ауаа ахәрақәа роуит. Лхахьы ахәра бааҧс лоуит ақьафурҭа “Сан-Ремо” аусзуҩ, 1998 шықәса рзы ииз Акьыртаа Доминика Иури-иҧҳа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа