Ажәабжьқәа

Популярное

Аҳәынҭқарра Ахада: иҕәҕәоу аҳәынҭқарра аргылара аус аҳәса активла рхы аладырхәлароуп

323
08.03.2017 09:21
Аҳәынҭқарра Ахада: иҕәҕәоу аҳәынҭқарра аргылара аус аҳәса активла рхы аладырхәлароуп
Аҧсны Ахада Рауль Ҳаџьымба Аҧсны иқәынхо аҳәса зегьы Хәажәкыра 8 Амшныҳәа рыдиныҳәалеит.

Аҟәа. Хәажәкыра 8. Аҧсныпресс. Аҧсны Ахада Рауль Ҳаџьымба иҟаиҵаз адныҳәалара аҿы иаҳәоит:

“Ҳаҭыр ду зқәу аҳәса!

Жәларбжьаратәи аҳәса рымш шәыдысныҳәалоит!

Ари, аҧсабара аҿыхара асимволра азызуа ааҧынтәи амш лаша, ҳҳәынҭқарра аҧсҭазаареи аҭоурыхи рҿы аҧҳәыс иаанылкыло аҭыҧ ҷыда атәы ҩаҧхьа иаҳгәаланаршәоит. Иаҳгәаланаршәоит уи аҭаацәа атрадициақәа реиҷаҳара, ахәыҷқәа рааӡара еиҧш ауаажәларратә ҧсҭазаареи азанааҭи рҿы аихьӡарақәа раиура шлылшо, убри аан, есымша ҧсабарала илзоужьу аҧшӡареи, ақьиареи агәыразреи лыманы аанхара.

Шәара шәиашареи, шәымчи шәычҳареи ирыбзоураны, ауаажәларра рыҩныҵҟа жәытә-натә аахыс иаагоу атрадициақәеи, иара убас, аҭаацәа рныҟәгара, ахәыҷқәа рааӡара, аиҳабацәа пату рықәҵара, уҳәа реиҧш иҟоу аҧсҭазааратә хәдуқәа реиқәырхара алыршахоит.

Шәара шәдоуҳатә мчы, шәыгәаҕьра, шәыҳалалра ирыбзоураны, ҳара 1992-1993 шш. Аҧсны Аџьынџьтәылатәи еибашьреи уи анаҩс иуадаҩыз аибашьра ашьҭахьтәи ашықәсқәеи рыхгара ҳалшеит. Иахьагьы иҕәҕәоу аҳәынҭқарра аргылара аус – ҳара ҳанацәа, ҳаҳәшьцәа, ҳаҧҳацәа, зус аҿы ззанааҭдырра аҩаӡара ҳараку аҳәса зегьы активла ралахәхара ада ҟалашьа амаӡам.

Ари ааҧынтәи амш аҽны, шәара, ҳаҭыр зқәу аҳәса, Жәларбжьаратәи амшныҳәа Хәажәкыра 8 гәык-ҧсыкала ишәыдысныҳәалар сҭахыуп!

Ишәзеиҕьасшьоит агәабзеира, агәамч, доусы шәҭаашәарақәа рҿы аманшәалара, аизҳазыҕьара!“

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа