Ажәабжьқәа

Популярное

Аҳәынҭқарра ахада диԥылеит Ҟабарда-Балкариа иҟоу Аԥсны хатәгәаԥхарала еибашьуаз Рхеилак ахантәаҩы Сергеи Иахогоев

374
03.10.2013 18:24

Аҳәынҭқарра ахада Александр Анқәаб диԥылеит Ҟабарда-Балкариа иҟоу Аԥсны хатәгәаԥхарала еибашьуаз Рхеилак ахантәаҩы Сергеи Иахогоев. Аҳәынҭқарра ахада уи идиныҳәалеит еицаҳзеиԥшу Аиааира Амш, аҳәарагь ҟаиҵеит Ҟабарда-Балкариантәи зхатәгәаԥхарала еибашьуаз азеиӷьшьарақәа рзынаицҳарц, аанацҳауеит Аԥсны Аҳәынҭқарра ахада иҿы иҟоу Аинфромациатә усбарҭа.

«Уара ухаҿала хатәгәаԥхарала еиабшьуаз зегьы ирыдысныҳәалоит аныҳәа. Сгәаанагарала, аныҳәа ҳақәҿиеит, Анцәа иҳәааит ҳара ҳҿы - ҳаиашьаратә республикақәа рҿы есымшагьы аныҳәақәа азгәарҭаларц. Шәара аибашьраҿы шәлагала акырӡа ирацәоуп, уи ахәшьара аҭара уадаҩуп,- иҳәеит Александр Анқәаб. – Ашықәс зегьы ари арыцә иадҳәалан, еиҿкаан хыԥхьаӡара рацәала аусмҩаԥгатәқәа, аҳәынҭқарратә усбарҭақәа рыдагьы акыр рылшеит ауаажәларратә еиҿкаарақәа, ауаажәларра, аҿар. Иарацәан адныҳәаларақәа, ҭелла асрақәа, урҭ рхыԥхьаӡараҿы иҟан Аԥнсы аӡбахә аибашьра ашьҭахь изаҳаз рҟынтәигьы, уи иаанарԥшуеит ҳтәыла ҳаҭырла ишазнеиуа.

Хымԥада, уи зегьы шәара шәџьабаа алоуп. Даҽазныкгьы адныҳәаларақәа рзынасыцҳауеит хатәгәаԥгахарала еиабшьуаз зегьы».

Сергеи Иахагоев Аԥсны жәлар зегьы ирыдиныҳәалеит Аиааира Амш Аԥсныҟа амҩа данықәлоз дызԥылаз ареспублика ауаажәларра рхаҭарнакцәа рыхьӡала.

«Сара ауаажәларра сырԥылеит амҩа сықәлаанӡа, зегьы салам ду шәзаарышьҭуеит, зегьы Аиааира шәыдырныҳәалоит, 20 шықәса ахыҵра. Хатәгәаԥхарала еибашьуаз зегьы гәык-ԥсык ала зегьы ишәыдырныҳәалоит Аиааира 20 шықәса ахыҵра. Уаҳа аибашьра закәу шәымбо. Ҳара ҳгәаанагарала акгьы ҳзыҟаҵаӡомызт ажәлар аӷа иҿамгылазҭгьы, ажәлар рхала игылеит, ажәлар роуп ари аибашьраҿы аиааира згаз»,- азгәеитеит Сергеи Иахагоев.

 

 

 

 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа