Ажәабжьқәа

Популярное

Аҳәынҭқарра Ахада: ари амш аҽны ҳара ҳажәлар рфырхаҵара, ақырҭуа мпыҵахалаҩцәа ирҿагылаз ҳаруаа ргәымшәареи ҳгәалаҳаршәоит

501
14.08.2015 15:23
Аҳәынҭқарра Ахада: ари амш аҽны ҳара ҳажәлар рфырхаҵара, ақырҭуа мпыҵахалаҩцәа ирҿагылаз ҳаруаа ргәымшәареи ҳгәалаҳаршәоит
Аҧсны Аџьынџьтәылатәи еибашьра алагеижьҭеи 23-шықәса аҵра инамаданы Аҧсны Ахада иҟаиҵаз Аҳәамҭа. 

Аҟәа. Август 14. Аҧсныпресс

Ҳаҭыр зқәу аҭылауаа, аветеранцәа! 

Ари амш аҽны ҳара ҳажәлар рфырхаҵара, ақырҭуа мпыҵахалаҩцәа ирҿагылаз ҳаруаа ргәымшәара ҳгәалаҳаршәоит. 

Ҳара Аҧсадгьыл аҧеиҧш азы идуӡӡоу аҭакҧхықәра зхахьы изгаз, ҳажәлар ргәыҕрақәа здырҳәалаз, ҳмилаҭ рҧыза Владислав Григори-иҧа Арӡынба инаигӡоз иналукааша ароль азгәаҳҭоит. 

Аибашьра аҩбатәи амш инаркны, август 15 рзы. Аҧсуа жәлар рыцхыраара азы Султан Сосналиев наҧхгара зиҭоз хатәгәаԥхарала аибашьцәа раҧхьатәи ргәыҧ арахь иааит. Урҭ зиааира амуа мчны рашьцәа аҧсуаа иаарывагылеит. 

Аҧсны аҵеи иашақәеи хатәгәаҧхарала уи ахьчаразы иааз, иҭахаз аибашьцәеи ажәлар ргәалашәараҿы наунагӡа иаанхоит. Август 14 амш – жәаҳәарада ихлымӡаахуп, аха, иара убри аамҭазы, уи аҧсуа жәлар рыҕәҕәахара хацзыркуа акакәны иҟалеит. 

Аибашьреи уи иалаӡыз ргәалашәареи, аветеранцәеи милаҭрацәала еилоу ҳажәлари ҳаҭыр рықәҵареи – иахьатәи аҿари уаҵәтәи Аҧсны атәылауаа рабиҧареи ишәарҭадароу рҧеиҧш, иҭышәынтәалоу аҳәынҭқарра ихадароу шьаҭаны иҟоуп. Ишәҭыкакаҷааит ихьыҧшым Аҧсны Аҳәынҭқарра! Хьӡи-Ҧшеи змоу ҳажәлар аҭынчреи аизҳазыҕьареи рыгымзааит! 

Ахыҵхырҭа: Аҧсны Ахада иофициалтә саит

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа