Ажәабжьқәа

Популярное

Аҳәынҭқарра Ахада:Амузеи – жәларык рҭоурых, ркультура ахьеидкылоу иҷыдоу дунеиуп

210
17.05.2017 11:38
Аҳәынҭқарра Ахада:Амузеи – жәларык рҭоурых, ркультура ахьеидкылоу иҷыдоу дунеиуп
Аҧсны Аҳәынҭқарра Ахада Рауль Ҳаџьымба Аҧснытәи аҳәынҭқарратә музеи Аиҳабы Аркади Џьопуеи аколлективи амузеи аартра амш шәышықәса ахыҵра рыдиныҳәалеит.

Аҟәа. Лаҵарамза 17. Аҧсныпресс. Адныҳәаларатә шәҟәы аҿы иазгәаҭоуп:

Хаҭала Шәареи наҧхгара зышәҭо аколлективи Аҧснытәи аҳәынҭқарратә музеи шәышықәса ахыҵра аиубилеи шәыдысныҳәалоит!

Амузеи – жәларык рҭоурых, ркультура ахьеидкылоу иҷыдоу дунеиуп. Аҧснытәи аҳәынҭқарратә музеи аҟны аҧхьаҟатәи аҿиара алзыршо ҧасатәи абиҧарақәа рҧышәа беиеи, ҳажәлар рматериалтәи рдоуҳатә мали еизакуп.
Шәара шәмузеи ашьақәгылара амҩа ду ианысит. Уи шықәсырацәалатәи аҭоурых иҭагӡаны хыҧхьаӡара рацәала зеиҧшыҟам амузеитә хәдуқәеи аекспонатқәеи иеизгоуп. Иахьа амузеиқәа рфондқәа рыҟны иҟоуп аҧсуа жәлар реиҧш, егьырҭ ажәларқәагьы рҭоурыхи ркультуреи рбаҟақәа. Ицәыргоу аекспонатқәа рҕьырак адунеитә ҵакы рымоуп.

Хамеигӡарак ҟамҵакәа аус зуа амузеи аколлектив ҳтәыла аҭоурых-культуратә ҭынха аиқәырхара иацхраауеит. Шәара ҵабыргны аамҭа зыхьчо, ҳажәлар рҭоурых хашҭра ақәымкәа ирзеиқәзырхо шәреиуоуп. Шәара имҩаҧыжәго аекскурсиақәа раан аҭааҩцәа ҳҭоурыхтә фактқәеи ҳҭоурыхтә хҭысқәеи рзеиҭашәҳәоит, ҳтәыла ажәытә ҭоурых азҿлымҳара роуртә иҟашәҵоит.

Амузеи аусзуҩцәа зегьы агәабзиара, агәамч, аҟазараҭҵааратә ус аҿы аихьӡарақәа рзеиҕьасшьоит. Шәара шәмузеи афондқәа уаҳа шамахамзар џьара иуҧымло, иҿыцу амаҭәарқәа рыла ихарҭәахааит, аекспонатқәа ирҭаҵәыху амаӡақәа рыҭҵаара азы агәаҳәара змоу ауаагьы рхыҧхьаӡара ессааира еизҳалааит!

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа