Ажәабжьқәа

Популярное

Аҳәынҭқарра Ахада Аиҳабыра ирыдиҵеит аҳазалхратә усбарҭақәа русура арҿыцра иазку апрограмма апроект азырхиара

2984
25.12.2019 14:32
Аҳәынҭқарра Ахада Аиҳабыра ирыдиҵеит аҳазалхратә усбарҭақәа русура арҿыцра иазку апрограмма апроект азырхиара
Аҳәынҭқарра Ахада Иусбарҭа аҿы аҳазалхратә усбарҭақәа русура иазкыз аилацәажәара мҩаҧысит.

Аҟәа. Ҧхынҷкәынмза 25. Аҧсныпресс. Аҧсны Аҳəынҭқарра Ахада Рауль Ҳаџьымба аҳазалхратә усбарҭақәа русура иазкыз аилацәажәара мҩаҧигеит. Абри азы адырра ҟалҵоит Аҳәынҭқарра Ахада ипресс-маӡаныҟәгаҩ Наала Аҩӡҧҳа.

Аилатәара аҿы Аҳәынҭқарра Ахада Аиҳабыра ирыдиҵеит 2020 шықәса актәи аквартал ахыркәшараҟынӡа аҳазалхратә усбарҭақәа русура арҿыцра иазку ҩышықәса ҿҳәарас измоу апрограмма апроект азырхиара.

Апрограммаҟны иазҧхьагәаҭахоит аҳазалхратә аужьратә пунктқәа рматериалтә-техникатә еиқәыршәара, аамҭала аҵәахразы ашьҭаҵарҭақәа рыҟаҵара, аконтроль ҟаҵаразы атехникатә хархәагақәа ралагалара, аҳаза-логистикатә терминалқәа рыргылара.
 
Ахада иазгәеиҭеит ҳаамҭазтәи аматериалтә-техникатә лшарақәа раҧҵара аҭахны ишыҟоу аҳазалхратә усбарҭақәа русура ахаҭабзиара ашьҭыхреи аҳазалхратә еиқәыршәареи аҳазалхратә гәаҭареи рхаҭабзиара аиҕьтәреи рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа