var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

Аҳәынҭқарра Ахада: агәрагара сымоуп, иааиуа 2017-тәи ашықәс ҧхьаҟатәи аихьӡара дуқәа ирышықәсны ишыҟало

158
31.12.2016 23:55
Аҳәынҭқарра Ахада: агәрагара сымоуп, иааиуа 2017-тәи ашықәс ҧхьаҟатәи аихьӡара дуқәа ирышықәсны ишыҟало
Аҳәынҭқарра Ахада Рауль Ҳаџьымба Аҧсны ажәлар Ашықәс Ҿыц рыдиныҳәалеит.

Аҟәа. Ҧхынҷкәын 31 . Аҧсныпресс. Адныҳәалараҿы ахәҭакахьала иаҳәоит:

«Ҳаҭыр зқәу ҳауаажәлар!

Абар, минутқәак рнаҩсан, ҳашьҭахьҟа иаанҳажьуеит аихьӡарақәеи, ауадаҩрақәеи маҷымкәа изцыз ашықәс.

Егьа ихьанҭазаргьы, ҳҿаҧхьа иқәгылаз азҵаарақәа – даҽа шьаҿак ҟаҳҵеит ҧхьаҟа ҳажәлар рсоциалтә ҭагылазаашьа аиӷьтәраҿы. Ҳакәша-мыкәша, насгьы ҳара ҳтәылаҿы акризис шымҩаҧысуазгьы, иҳалшеит аиқәырхара ҳтәыла амчхара.

Иҟаларызеишь ҳәа, ҳшьамхы еиқәыршәны ҳамҧшыкәа, ҳхатәы лшарақәа ҳаҧшааит ҳаҩныҵҟа. Иҳаҩсыз ашықәс анҵәамҭазы ҳара ҳарҭагылан аполитикатә уадаҩрақәа. Аха Анцәа имчала урҭ еибгала, машәырда ҳрылҵит.

Ҳажәлар иаадырҧшит ачҳара, аҟәыӷара. Ҳазегь агәра аагеит иарбанзаалак аимак-аиҿак, закәан-мҩала ишыӡбатәу. Даҽа мҩак – ҳмилаҭи ҳҳьыҧшымреи ҭазырхо мҩоуп.

Агәрагара сымоуп, иааиуа 2017-тәи ашықәс шыҟало ҧхьаҟатәи аихьӡара дуқәа ирышықәсны. Ҽаанбзиала шәгәырӷьо шәаҧылааит ҳазҭалоу Ашықәс Ҿыц! Нагӡара ақәзааит ҳажәлар реизыразра, ҭоурыхла иӡрыжәу ҳакзаара!

Гәык-ҧсыкала ишәзеиӷьасшьоит агәамч-ӷәӷәа, анасыҧ, аманшәалара, ҩнаҭа-цыҧхьаӡа аҭынчбзазара! Ҽаанбзиала!»

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа