Ажәабжьқәа

Популярное

Аҳәынҭқарра Ахада Адыгеиа Ахада диҧылоит

309
06.11.2019 14:23
Аҳәынҭқарра Ахада Адыгеиа Ахада диҧылоит
Аиҧылара, Рауль Ҳаџьымба Адыгеиаҟа  мышкы иалагӡоу иусуратә ҭаара аҳәаақәа ирҭагӡаны имҩаҧысуеит.

Аҟәа. Абҵарамза 6. Аҧсныпресс. Абҵарамза 7 рзы Аҧсны Аҳәынҭқарра Ахада Рауль Ҳаџьымба Адыгеиатәи Ареспубликаҟа  мышкы иалагӡоу аусуратә ҭаара мҩаҧигоит.  Абри атәы аанацҳауеит Аҳәынҭқарра Ахада иофициалтә саит.

Ареспублика Адыгеиа Анапхгара ааҧхьарала, Аҧсны Аҳәынҭқарра Ахада Рауль Ҳаџьымба Ареспублика Адыгеиа Актәи Ахада Аслан Џьаримов 80-шықәса ихыҵра иазкны имҩаҧгахо аныҳәатә усмҩаҧгатә ихы алаирхәраны дыҟоуп.

Иара убас, аҭаара аҳәаақәа ирҭагӡаны, Аҧсны Аҳәынҭқарра Ахада Рауль Ҳаџьымбеи Ареспублика Адыгеиа Ахада Мурат Кумпилови реиҧылара мҩаҧысуеит. Рауль Ҳаџьымбеи Мурат Кумпилови аҩ-республикак реизыҟазаашьақәа ирыдҳәалоу актуалра зҵоу азҵаарақәа ирылацәажәараны иҟоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа