Ажәабжьқәа

Популярное

Аҳәынҭқарра Ахада адипломаттә маҵзура аусзуҩцәа Аҧсны адәныҟатәи аусқәа Рминистрра аҧҵеижьҭеи 24-шықәса аҵра рыдиныҳәалеит

152
17.05.2017 11:32
Аҳәынҭқарра Ахада адипломаттә маҵзура аусзуҩцәа Аҧсны адәныҟатәи аусқәа Рминистрра аҧҵеижьҭеи 24-шықәса аҵра рыдиныҳәалеит
“Ҵыхәаҧҵәарадатәи адәныҟатәи ашәарҭара, аекономикатә ембарго, уҳәа имариам аизолиациатә ҭагылазаашьа аҿы, Аҧсны адәныҟатәи аусқәа Рминистрра адәныҟаполитикатә усура мҩаҧнагон”, -ҳәа иазгәеиҭеит Рауль Ҳаџьымба.

Аҟәа. Лаҵарамза 17. Аҧсныпресс. Аҧсны Ахада Рауль Ҳаџьымба атәыла адәныҟатәи аусқәа рминистр Даур Ақаҩбеи адипломатиатә маҵзура аусзуҩцәеи Аҧсны адәныҟатәи аусқәа Рминистрра аҧҵеижьҭеи 24-шықәса аҵра рыдиныҳәалеит. Абри атәы аанацҳауеит Аҳәынҭқарра Ахада иофициалтә саит.

Адныҳәаларатә шәҟәы аҿы иаҳәоит:

“Аҧсны адәныҟатәи аусқәа Рминистрра аҧҵара Амш 24 шықәса ахыҵра гәык-ҧсыкала ишәыдысныҳәалоит.

Ҵыхәаҧҵәарадатәи адәныҟатәи ашәарҭара, аекономикатә ембарго, уҳәа имариам аизолиациатә ҭагылазаашьа аҿы, Аҧсны адәныҟатәи аусқәа Рминистрра адәныҟаполитикатә усура мҩаҧнагон.

Аминистрра аусуратә ҩаӡара ҿыц аҟынӡа инаӡеит 2008 шықәса рзы. Усҟан Урыстәылатәи Афедерациеи егьырҭ атәылақәәеи Аҧсны ахьыҧшымра азханаҵеит.
Иахьа аҧсуа дипломатиа атәыла адәныҟаполитикатә позициақәа рырҕәҕәара аҿы алагала дууп. Ҳтәыла адәныҟаполитикатә хырхарҭа алкаауп. Уи, зегь раҧхьаӡа иргыланы аҧуа-аурыс еизыҟазаашьақәа рырҕәҕәареи, инарҭбаау жәларбжьаратәи азхаҵара аиуреи, авразиатәи аинтеграциатә процессқәа рылахәхара, асоциал-економикатәи агуманитартәи ҿиара азы иманшәалоу аҭагылазаашьа аҧҵара, Кавказнтыҵ аҭынчреи аҭышәынтәалареи рышьақәгылара алыршара.

Аҧсуа диаспора амадара даара аҵакы ду ҳзаҵоуп. Аҧсны адныҟатәи аусқәа Рминистрра Шьамтәыла, Ҭырқәтәыла, Иорданиа, уҳәа Ааигәа Мраҭашәара егьырҭ атәылақәеи рҟантәи ҳџьынџьуаа рымадара азы имҩаҧнагаз аусура хымҧада иазгәаҭатәуп.

Атәыла адәныҟатәи аусқәа Рминистрра ахыҵхырҭаҿы игылаз адипломатиатә маҵзура аветеранцәа инарыгӡаз ароль атәы ҷыдала сазааҭгылар сҭахуп. Урҭ зыҩаӡара ҳараку рзанааҭдырреи ламысцқьала русуреи ирыбзоураны, аҭагылазаашьа шыуадаҩызгьы, ҳтәыла адәныҟаполитикатә хылаҧшыраҭа Аҧсны амилаҭтә интерескәа рыхьчара аҿы игылоуп.

Ари аныҳәамш аҽны аҭынчреи аҭышәынтәалареи, милаҭрацәала еилоу ҳажәлар реизҳазыҕьара иазырхоу шәусура аҿы ақәҿиарақәеи шәзеиҕьасшьарц сҭахуп.

Ҳаҭыр зқәу Даур Вадим-иҧа, атәыла адәныҟатәи аусқәа Рминистрра аусзуҩцәеи аветеранцәеи аринахысгьы ақәҿиарақәеи агәабзиареи аизҳазыҕьареи рзеиҕьасшьар сҭахуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа