Ажәабжьқәа

Аҳәынҭқарра Ахада: Аҧсны Апрокуратура ахаангьы апрокурортә усзуҩцәа рыхьӡ ҳаракы иаҧсаз ауаа амаҵ азыруан

63
15.04.2019 14:48
Аҳәынҭқарра Ахада: Аҧсны Апрокуратура ахаангьы апрокурортә усзуҩцәа рыхьӡ ҳаракы иаҧсаз ауаа амаҵ азыруан
Аҧсны Аҳәынҭқарра Ахада Рауль Ҳаџьымба апрокуратура аусбарҭақәа русзуҩцәа Апрокуратура аусзуҩы имши Аҧсны Аҳәынҭқарра Апрокуратура хада аҧҵара амши рыдиныҳәалеит.

Аҟәа. Мшаҧымза 15. Аҧсныпресс. Аҧсны Аҳәынҭқарра Ахада Рауль Ҳаџьымба апрокуратура аусбарҭақәа русзуҩцәа Апрокуратура аусзуҩы имши Аҧсны Аҳәынҭқарра Апрокуратура хада аҧҵара амш 25-шықәса ахыҵреи рыдиныҳәалеит.

Адныҳәалараҟны, ҷыдала, иҳәоуп:

“Апрокуратура аҳәынҭқарра шьаҟа ҕәҕәаны иаҵагылоу усбарҭоуп, азинхьчаратә система аинститут хадақәа ируакуп.

Аҧсны Апрокуратура ахаангьы апрокурортә усзуҩцәа рыхьӡ ҳаракы иаҧсаз ауаа амаҵ азыруан. Азанааҭдырра, аҟәыҕара, аламысцқьара – абри азанааҭ зыҧсҭазаара адызҳәалаз зегьы ирҷыдаҟазшьазаракәын. Аҧсны Аҳәынҭқарра апрокуратура аусбарҭақәа рыҟны аамҭақәа зегьы раан аус руан азакәани Аҧсадгьыли рымаҵ азызуаз ауаа, урҭ рыҩныҵҟа иҟан уи аҧҵара иалахәыз ҳветеранцәагьы.

Иахьагьы апрокуратура аусзуҩцәа ирылшо зегьы ҟарҵоит азакәанреи азинтә леишәеи ашьақәыргыларазы, атәылауаа рзинқәа рышьақәыргылареи аҳәынҭқарратә интересқәа рыхьчареи рзы.

Ҳара агәыҕра дуқәа рыдаҳҳәалоит қәнагала еиҿкаау апрокуратура аусуреи Аҧсны азинхьчаратә усбарҭақәа зегьы лыҵшәабзиала аус рыцуреи.

Сгәы иаанагоит аҧхьаҟагьы шәҿаҧхьа иқәгылоу аҳасабтәқәа хьыӡла-ҧшала рынагӡара шәылшоит ҳәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа