Ажәабжьқәа

Популярное

Аҳәынҭқарра Ахада Аҧсны Аҳәынҭқарра Аконституиатә ӡбарҭа аӡбаҩцәа идикылеит

216
25.11.2019 14:23
Аҳәынҭқарра Ахада Аҧсны Аҳәынҭқарра Аконституиатә ӡбарҭа аӡбаҩцәа идикылеит
Аиҧылара Аҧсны Аҳәынҭқарра Аконституциа 25-шықәса ахыҵра аламҭалазы имҩаҧысит.

Аҟәа. Абҵарамза 25. Аҧсныпресс. Лана Ҵәыџьба. Аҧсны Аҳәынҭқарра Аконституциа 25-шықәса ахыҵра аламҭалазы, Аҧсны Аҳәынҭқарра Ахада Рауль Ҳаџьымба Аконституциатә ӡбарҭа аӡбаҩцәа идикылеит.

Аҳәынҭқарра Ахада Рауль Ҳаџьымба аӡбаҩцәа Аҧсны Аҳәынҭқарра Аконституциа Амшныҳәа рыдныҳәало иҳәеит: “Ишәыдысныҳәалоит зегьы акрызҵазкуа ари арыцхә – Аҧсны Аҳәынҭқарра Аконституциа Амш. Аконституциа аҧҵара аҭоурых – ҳполитикатә ҭоурых иахәҭакны иҟоуп. Ҳара ибзианы иаҳгәалашәоит иҟаз аҭагылазаашьа ахьынӡауадаҩыз Қырҭтәыла 1921 шықәсазтәи Аконституциахь ианиас, уи ашьҭахь абри аҭагылазаашьа алҵрази 1994 шықәсазы иҭыҵыз ҳҳәынҭқарразы ихадароу адокумент аус адуларази Владислав Григори-иҧа инапхгарала имҩаҧгаз уинахыстәи аусура атәы. Хымҧада, иҟаз ауадаҩрақәеи аҧынгылақәеи риааира алыршахеит Аҧсны жәлар ирҭахын, гәҭакыс ирымаз акы акәын азы иара. 1999 шықәса жьҭаарамза 3 рзы имҩаҧысыз ареферендум аҟны иақәшаҳаҭханы ирыдыркылаз Аконституциа ҳажәлар зхы иақәиҭу, идемократиатәу, жәларбжьаратәи азин иасубиекту аҳәынҭқарразы иҟарҵаз алхра шьақәнарҕәҕәеит.

Аҧсны Аҳәынҭқарра Аконституциа 25-шықәсатәи аҭоурых ала ишьақәнарҕәҕәеит, иарҵабыргит уи аҧсҭазааралшара, алҵшәара. Иҟоуп аконституциатә реформақәа ирыдҳәалоу азҵаарақәа, урҭ амҩаҧысра иаҿуп. Ари аусура аҧхьатәи аетап иабзоураны Аконституциатә ӡбара аҧҵаразы алшарақәа цәырҵит.

Даҽазныкгьы ишәыдысныҳәалоит акрызҵазкуа ари амш. Аҧхьаҟа азакәанқәа рыҧҟарақәа рынагӡара знапы иану аиҳабыра аусбарҭақәа зегьы русура зеиҧшроу еиҧш иҟалоит, уи иахьыҧшхоит аҭагылазаашьа”, – ҳәа иҳәеит Аҳәынҭқарра Ахада.

Аҧсны Жәлар Реизара – Апарламент Аиҳабы Валери Кәарҷиа инаҵшьны иазгәеиҭеит Аконституциа адкылара иамоу аҭоурыхтә ҵакы.

“Уаҵәы ҳтәыла азакәан хада 25-шықәса ахыҵуеит. Гәык-ҧсыкала зегьы ари аныҳәа рыдысныҳәалоит. Аконституциа адкылара мҩаҧысуан аамҭа хьанҭақәа раан. Аамҭа кьаҿк аҩныҵҟала аусура ду мҩаҧгатәын. Аконституциа ҳажәлар рмилаҭ-хақәиҭратә қәҧареи Аҧсны Аџьынџьтәылатә еибашьреи рылҵшәақәа шьақәнарҕәҕәеит”, – ҳәа иҳәеит Валери Кәарҷиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа