Ажәабжьқәа

Популярное

Аҳәынҭқарра Ахада 1992-1993 шш. Аҧсны Аџьынџьтәылатәи еибашьраҿы Аиааира агара 25 шықәса ахыҵра Амши Аҧсны Аҳәынҭқарра Ахьыҧшымра Жәларбжьаратәи Азхаҵара 10 шықәса ахыҵреи разгәаҭара иазку акомиссиа аилатәара мҩаҧигеит

1105
02.05.2018 17:03
Аҳәынҭқарра Ахада 1992-1993 шш. Аҧсны Аџьынџьтәылатәи еибашьраҿы Аиааира агара 25 шықәса ахыҵра Амши Аҧсны Аҳәынҭқарра Ахьыҧшымра Жәларбжьаратәи Азхаҵара 10 шықәса ахыҵреи разгәаҭара иазку акомиссиа аилатәара мҩаҧигеит
Акомиссиа аныҳәатә усмҩаҧгатәқәа рҽазыҟаҵаразы имҩаҧгоу аусуразы аҳасабырба ҟанаҵеит.

Аҟәа. Лаҵарамза 2. Аҧсныпресс. Лана Ҵәыџьҧҳа. Акомиссиа изаамҭанытәиу аилатәара аҿы иарбоу арыцхәқәа разгәаҭара иадҳәалоу аусмҩаҧгатәқәа реиҿкаара иазку азҵаарақәа жәпаки ирылацәажәеит.

Атәылахьчара аминистр Мираб Қьышьмариа 1992-1993 шш. Аҧсны Аџьынџьтәылатә еибашьраҟны Аиааира 25 шықәса ахыҵра иазкны арратә Парад аҽазыҟаҵара амҩаҧысшьа азы адыррақәа Аҳәынҭқарра Ахада иҟынӡа инеигеит. Апарад иалахәу рзеиҧш хыҧхьаӡара 1221-ҩык рҟынӡа ҟалоит, аныҟәара иалахәхо аусбарҭақәа зегьы рхатәы еилазаара ахыҧхьаӡаразы адырра рыҭоуп, иалкаауп апарад архәҭақәа ркомандаҟаҵаҩцәа, аҽызаҟаҵара иаҿуп арратә техника.

Аҧсны Аҳәынҭқарра акультуреи аҭоурых-культуратә ҭынха ахьчареи рминистр Ельвира Арсалиаҧҳа илҳәеит аминистррақәеи аусбарҭақәеи жәпакы злахәу аусуратә гәыҧ ҳазҭоу амза аҩныҵҟа иаздырхиараны ишыҟоу аусмҩаҧгатәқәа разҧхьагәаҭа. Ақалақьтәи араионтәи усмҩаҧгатәқәа мҩаҧысраны иҟоуп цәыббрамзеи жьҭаарамзеи рызбжазы, ихиоуп Аҧсны Аҳәынҭқарра ахьыҧшымра жәларбжьаратәи азхаҵара 10 шықәса ахыҵра азгәаҭара иазку асценари апроект, – ҳәа иазгәалҭеит Ельвира Арсалиаҧҳа.

Адәныҟатәи аусқәа рминистр Даур Ақаҩба Аҧсны Аҳәынҭқарра ахьыҧшымра жәларбжьаратәи азхаҵара 10 шықәса ахыҵра азгәаҭара иазкхо “Азхаҵара 10 шықәса ахыҵра: аихшьалаақәеи ҧхьаҟатәи алшарақәеи” захьӡу жәарбжьаратәи аконференциа далацәажәеит.

Аҵареи аҭҵаарадырреи рминистр Адгәыр Какоба иҳәеит аусбарҭа аганахьала ишазҧхьагәаҭоу 21 усмҩаҧгатә. Ахада иҳәеит иахьанатә ашколхәыҷқәеи Аҧҧны Аџьынџьтәылатә еибашьра аветеранцәеи реиҧылара аиҿкаара шаҭаху.

Аҧснытәи аҳәынҭқарратә телерадиоеилахәыра адиректор хада Роланд Бганба иҳәеит ишазҧхьагәаҭоу аветеранцәеи иҭахаз аибашьцәа ранацәеи ирызку адырраҭарақәа рцикл. Иара убас Аҧснытәи аҳәынҭқарратә телерадиоеилахәыра ишазнархио Аҧсны Аҳәынҭқарра иазку адокументтә фильм.

Аҧснытәи Аҳәынҭқарратә университет ааӡаратә ҟәша апроректор Медеиа Чегьиа ААУ авалантиорцәа аусмҩаҧгатәқәа зегьы рыҟны, иара убас аветеранцәа рҭаацәа рыцхыраара ишазхиоу азгәалҭеит.

Ажурналистцәа Реидгыла Ахантәаҩы Руслан Ҳашыг аиубилеитә рыцхәқәа инарықәыршәаны ишазгәаҭоу Аҧсны Аџьынџьтәылатә еибашьра иазку ажурналисттә усура мҩаҧызгоз урыстәылатәи ажурналистцәа Аҧсныҟа раара, иара убас Ибрагим Ҷкадуеи Владимир Попови рфотоцәыргақәҵа шеиҿкаахо азы адырра ҟаиҵеит.

Аҳәынҭқарра Ахада ареспублика араионқәа зегьы рҿы, аҳҭнықалақь дазааҭгыланы, ҷыдала иаҵшьны иҳәеит аныҳәамшқәа рзы реиҿкаара шаҭаху, иара убас аныҳәатә усмҩаҧгатә дуқәа ахьымҩаҧысуа аҭыҧқәа зегьы рыҟны, ианаамҭоу асасцәа рааҧхьара, аҳәынҭқарраҿы иазҧхьагәаҭоу аныҳәатә усмҩаҧгатәқәа зегьы шеицеиҿкаатәу, Аҧсны Аџьынџьтәылатә еибашьраҿы иҭахаз рҭаацәа ишырҭаатәу. Ахада иара убас Акомиссиа иалахәу есымчыбжьа аҽазыҟаҵара шымҩаҧысуа атәы иарҳәаларц рыдиҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа