Ажәабжьқәа

Популярное

Аҧсуа Ҳәынҭқарра аҭоурыхи аинститут аҭоурыхи еиҟәыгашьа амамкәа еидҳәалан

745
15.10.2015 12:30
Аҧсуа Ҳәынҭқарра аҭоурыхи аинститут аҭоурыхи еиҟәыгашьа амамкәа еидҳәалан
Д. И. Гәлиа ихьӡ зху Аҧсуаҭҵааратә институт 90 шықәса ахыҵра инамаданы Аҧсны Жәлар Реизара-Апарламент Аиҳабы Валери Бганба адныҳәаларатә шәҟәы ишьҭит

Аҟәа. Октиабр 15. Аҧсныпресс. Адныҳәалараҿы иаҳәоит: 

«Ҳаҭыр зқәу Уасил Шамониа-иҧа, Аҧсуаҭҵааратә институт аусзуҩцәа зегьы! Аинститут аҭҵаарадырратә усура ду 90-шықәсатәи аиубилеи гәык-ҧсыкала ишәыдысныҳәалоит! 

Аинститут анаҧҵаз инаркны иахьауажәраанӡа аҧсуа бызшәеи, алитературеи, афольклори, аҭоурыхи, археологиеи, аетнографиеи, аҟазареи, аекономикеи рызҵаарақәа аус рыдулара ахьымҩаҧысуа Д. И. Гәлиа ихьӡ зху Аҧсуаҭҵааратә институт, Аҧсны амилаҭтә ҭҵаарадырратә, акультуратә мчқәа еидызкыло центр хаданы, иналукааша гуманитартә ҭҵаарадырратә усбарҭаны иҟоуп. 

Имариам аинститут знысыз амҩа. Избан акәзар, Аҧсуа Ҳәынҭқарра аҭоурыхи аинститут аҭоурыхи еиҟәыгашьа амамкәа еидҳәалан, иакын урҭ рлахьынҵа. 

Ҳаҧсадгьыли ҳажәлари рлахьынҵа аӡбара анымҩаҧысуаз еиҳа иуадаҩыз аамҭақәа раан, есқьынгьы амилаҭтә зҵаара згәы иҵхоз аинститут аусзуҩцәа, аҧсуа жәлар рҭоурыхи ркультуреи рыҭҵаара аус инаваргыланы, уи аӡбара знапы ианыз рыгәҭа игылан. Убас, 1992-1993 шш. амилаҭтә хақәиҭратә қәҧара ҧхьагылара азиуеит Аҧсуаҭҵааратә институт аҵарауаҩ, аҧсуа ҭоурыхтә ҭҵаарадырра ашьаҭаркҩцәа ируаӡәкыз В. Г. Арӡынба. 

Иахьа Аҧсны Аҳәынҭқарра жәларбжьаратәи азхаҵара анымҩаҧысуа аамҭазы, Аҧсуаҭҵааратә институт иамоу аҵакы, уи инанагӡо аҭҵаарадырратә роль еиҳагьы ишьҭыҵит. Убри аҟнытә, адипломатиатәи аполитикатәи лшарақәеи реиҧш, хымҧада, аҭҵаарадырратә, акультуратә лшарақәагьы.ахархәара рымазароуп. 

Аҧсуаҭҵааратә институт аринахысгьы аҿиара, аизҳазыҕьара, уи аҵарауаа – аҭҵаарадырратә усураҟны аихьӡарақәа, аартра ҿыцқәа, аинститут аҭоурых хацзыркыз аҧсуа ҵарауаа дуқәа ирымаз агәамч рзеиҕьасшьоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа