Ажәабжьқәа

Популярное

Аҧсуа чара, амилаҭтә крыфареи акәашарақәеи: Аҩбатәи аҧсуа фестиваль “Аҧсны” Москва ақалақь аҿы имҩаҧысуеит

119
20.06.2019 11:43
Аҧсуа чара, амилаҭтә крыфареи акәашарақәеи: Аҩбатәи аҧсуа фестиваль “Аҧсны” Москва ақалақь аҿы имҩаҧысуеит
Аусмҩаҧгатә аҭааҩцәа итрадициатәу аҧсуа чысқәа ргьама абареи, аҧсуа кинемотографиеи рабадырреи рзы алшара роуеит.

Аҟәа. Рашәарамза 20. Аҧсныпресс. Аҩбатәи аҧсуа фестиваль “Аҧсны” рашәарамза 30 рзы, Москва ақалақь, апарк “Красная Пресня” аҿы имҩаҧысуеит.

Афестиваль асасцәа ирзыҧшуп аконцерттә программа. Араҟа иқәгылараны иҟоуп еицырдыруа аҧсуа нагӡаҩцәа, ахореографиатә коллективқәа. Аусмҩаҧгатә аҭааҩцәа итрадициатәу аҧсуа чысқәа ргьама абареи, аҧсуа кинемотографиеи рабадырреи рзы алшара роуеит.

Афестиваль аҿы еиҿкаахоит Capital schoolcenter ҳәа хыс измоу аинновациатә школи аҧсуа бызшәа арҵара ашкол “Алашарбагеи” рҟынтәи аинтерактивтә урокқәеи, акәашаратә ҽазыҟаҵарақәеи, афатәҟаҵара рҵареи, иара убас адаул асра аурокгьы мҩаҧгахоит.

Апрограмма аҿы иҟоуп импровизациала иҟаҵоу ачаратә церемониа, анардқәа рзы атурнир, аҧсуа ҩқәа рдистрибиутор, аилазаара “Мистраль-Алко” аҟынтәи аҧсуа ҩқәа ргьамабара.

Иара убас, Москва аус зуа ақьафурҭа “Ача-Чача” еиҿнакаауа ачеиџьыка ныҳәа аҿы афестиваль асасцәа аҧсуа чыс хкқәа – аилаџь, ачашә, уҳәа ргьамақәа рбара адагьы, аџьанџьыхәи аҧсуа ҷаҳаржәқәеи рыҟаҵаразы амастер-класс ахысреи рзы аҭагылазаашьа аҧҵахоит.  

Апарк “Красная Пресня” аллеиа хада аҿы еиҿкаахоит афотоцәыргақәҵа “Шьхатәыла Аҧсны”. Импровизациала еиҿкаахо еицырдыруа Аҟәатәи агаҿа аҿы аҧснытәи асахьаҭыхыҩцәа рҭыхымҭақәа рцәыргақәҵа еиҿкаахоит. 

Афестиваль “Аҧсны” аҿы ахәыҷтәы зона аус аулоит. Иара убас, асасцәа ирзыҧшуп “Аҧсны сара сыблала” ҳәа иреигьу аҭыхымҭа азы аконкурси, амилаҭтә костиумқәа рышәҵаны афотосессиеи.  

Ахәылҧаз ахыркәшамҭаз асцена аҿы аицлабра аҿы аиааира згаз аҳамҭақәа ранашьара иадҳәалоу ацеремониа мҩаҧгахоит. Ихадоу аҧхьахә – атуроператорцәа “Аҟәа-Абаза”, “Риҵа-Тур”, асасааирҭа Wellness Park Hotel Gagra, акурорт “Пицунда”, Аҧсныҟа  аныҟәарақәа рзы Амаҵзура “Ацетук Тревел” рҟынтәи Аҧсныҟа апутиовкақәа, иара убас  афестиваль “Аҧсны” адгылаҩцәа рҟынтәи хыҧхьаӡара рацәала агәаларшәагатә ҳамҭақәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа