Ажәабжьқәа

Аҧснытәи ф-ҩык абитуриенцәа Урыстәыла иҷыдоу аҭагылазаашьақәа Рминистрра аҵараиурҭақәа ирҭалеит

57
16.04.2019 12:46
Аҧснытәи ф-ҩык абитуриенцәа Урыстәыла иҷыдоу аҭагылазаашьақәа Рминистрра аҵараиурҭақәа ирҭалеит
Ҩыџьа ауаажәларратә хьчара Академиа аҿы ирыдыркылоит, ҧшьҩык аҳәынҭқарратә абылрацәыхьчаратә маҵзура Академиа аҿы аҵара рҵалоит.

Аҟәа. Мшаҧымза 16. Аҧсныпресс. Аҧснытәи абитуринтцәа ф-ҩык Урыстәыла иҷыдоу аҭагылазаашьақәа Рминистрра аҵараиурҭақәа иҭалеит. Абри атәы аанацҳауеит Аҧсны иҷыдоу аҭагылазаашьақәа Рминистрра апресс-маҵзура.

Аацҳамҭа излаанацҳауа ала, ҩыџьа ауаажәларратә хьчара Академиа аҿы ирыдыркылоит, ҧшьҩык аҳәынҭқарратә абылрацәыхьчаратә маҵзура Академиа аҿы аҵара рҵалоит. Ас еиҧш аӡбамҭа, Аҧсны иҷыдоу аҭагылазаашьақәа Рминистрра аҿы имҩаҧгаз  аҧышәарақәа реихшьаалақәа рыла ирыдыркылеит.

Абитуриентцәа  афизика, аматематика, аурыс бызшәа, абҩарҵәыра, уҳәа амаҭәарқәа рыла аҧышәарақәа рҭиуан.

Абитуренцәа дырҧылауа, Аҧсны иҷыдоу аҭагылазаашьақәа рминистр Лев Кәыҵниа иазгәеиҭеит: “Урыстәылатәи аҵараиурҭақәа ирҭало абитуриенцәа рҿаҧхьа иқәыргылахо адҵақәа еиҳа-еиҳа иуадаҩхоит. Урыстәылатәи Афедерациа аҵараиурҭақәа рҿы аҵаразы аҭакҧхықәра ду аҭахуп. Аиқәырхаҩцәеи амцарцәаҩцәеи рзанааҭдырра ҳаракы ауп – ауааҧсыра рыхьчара иазырхоу ахықәкы анагӡара алзыршо”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа