Ажәабжьқәа

Популярное

Аҧснытәи астудентцәа Урыстәыла иҷыдоу аҭагылазаашьақәа Рминистрра аҵараиурҭақәа рҿы рҵара хдыркәшеит

179
02.07.2019 12:42
Аҧснытәи астудентцәа Урыстәыла иҷыдоу аҭагылазаашьақәа Рминистрра аҵараиурҭақәа рҿы рҵара хдыркәшеит
Москва, Кремль иаҵанакуа ашҭа хада (Красная Площадь) аҿы Урыстәылатәи Афедерациа иҷыдоу аҭагылазаашьақәа Рминистрра аҵараиурҭақәа рҿы аҵара зҵоз акурсантцәа, астудентцәа, аӡырҩцәа роушьҭра иазкны аныҳәатә церемониа мҩаҧысит.

Аҟәа. Ҧхынгәымза 2. Аҧсныпресс. Мадина Чагәааҧҳа. Москва, Кремль иаҵанакуа ашҭа хада (Красная Площадь) аҿы Урыстәылатәи Афедерациа иҷыдоу аҭагылазаашьақәа Рминистрра академиақәа рыспециалистцәа роушьҭра иазкны аныҳәатә церемониа мҩаҧысит. Урыстәылатәи Афедерациа иҷыдоу аҭагылазаашьақәа Рминистрра академиақәа рҿы рҵара злахдыркәшаз азы адипломқәа зауз егьырҭ аушьҭымҭацәа рхыҧхьаӡараҿы иҟоуп хәҩык Аҧсны атәылауаагьы. Аспециалист ҿарацәа ирыдныҳәаларц ари аусмҩаҧгатә иаҭааит Аҳәынҭқарратә Дума адепутатцәа, Афедерациа Ахеилак алахәылацәа, Москва ақалақьи Москватәи аобласти рнапхгараҭара алахәылацәа, ауаажәларратә еиҿкаарақәа рхаҭарнакцәа. Аҧсны иҷыдоу аҭагылазаашьақәа Рминистрра аделегациа напхгара аиҭон иарбоу ахылаҧшырҭа ахада, аинрал-леитенант Лев Кәыҵниа. Абри атәы аанацҳауеит Аҧсны Иҷыдоу аҭагылазаашьақәа Рминистрра апресс-маҵзура.

Аацҳамҭа излаанацҳауа ала: “Сынтәа, Урыстәылатәи Афедерациа ауаажәларратә хьчара Академиеи, Аҳәынҭқарратә абылрацәыхьчаратә маҵзура Академиеи зынӡа ирылгеит 1 000-ҩык аспециалистцәа. Адипломқәа зауз рхыҧхьаӡараҿы Урыстәыла атәылауаа рыдагьы, Аҧсны уахь ианалаҵаны, аҳәаанырцәтәи атәылақәа 10 ахаҭарнакцәагьы ыҟоуп. Сынтәа иарбоу ахылаҧшырҭа аҵараиурҭақәа ирылгеит 5-ҩык Аҧсны атәылауаа, урҭ рахьынтә ҩыџьа Урыстәылатәи Афедерациа аҳәынҭқарратә абылрацәыхьчаратә маҵзура Академиа иалгеит, хҩык – Урыстәылатәи Афедерациа ауаажәларратә хьчара Академиа”.

Аушьҭымҭацәа дрыдныҳәалеит Урыстәылатәи Афедерациа иҷыдоу аҭагылазаашьақәа Рминистрра ахада актәи ихаҭыҧуаҩ Александр Чуприан. Уи аушьҭымҭацәа раҧхьаҟа ақәҿиара дуқәеи қәҿиарала аусуреи рзеиҕьаишьеит. Ацеремониа аҿы акурсантцәа рҵараиурҭа абираҟ амҵан ҭоуба руит, анаҩс Ашҭа  иқәсит. Убри аан, акыр шыкәса раахыс ишьақәгылахьоу атрадициа ала, зегьы ақәҿиара аиуреи аманшәалареи иазкны ацәаҳәақәгыла ахыхь уаҧсҵәык азна аҧсарқәа дыршәуан.

Иахьа Урыстәылатәи Афедерациа иҷыдоу аҭагылазаашьақәа Рминистрра иатәу аҵараиурҭақәа рҿы аҵара рҵоит латәаралатәи аҟәша аҿы 21-ҩык, латәарадатәи аҟәша аҿы 12-ҩык Аҧснытәи астудентцәа. Аҧсны атәылауаа араҟа рҽазыҟарҵоит анапхгарабжьаратәии ахылаҧшырҭабжьаратәии Аиқәшаҳаҭра инақәыршәаны. Зынӡа, 2011шықәса инаркны 30-ҩык инареиҳаны Аҧсны атәылауаа Урыстәылатәи Афедерациа иҷыдоу аҭагылазаашьақәа Рминистрра иреиҳаӡоу аҵараиурҭақәа ирылганы иахьа Аҧсны иҷыдоу аҭагылазаашьақәа Рминистрра аппарат хада аҿы еиҧш, ахылаҧшырҭа араионтә ҟәшеиҵақәа рыҿгьы амаҵзура иахысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа