Ажәабжьқәа

Популярное

Аҧснытәи астенд Дамассктәи жәларбжьаратәи ацәыргақәҵа аҿы ицәыргахоит

199
02.07.2018 13:41
Аҧснытәи астенд Дамассктәи жәларбжьаратәи ацәыргақәҵа аҿы ицәыргахоит
Аҧсны аҧыза-министр аусмҩаҧгатә аҽазыҟаҵара иазкны аусуратә еилатәара мҩаҧигеит.

Аҟәа. Ҧхынгәымза 2. Аҧсныпресс. Аҧсны аҧыза-министр Геннади Гагәылиа цәыббрамза 6 инаркны 15 рҟынӡа Дамассктәи жәларбжьаратәи ацәыргақәҵа аҿы ҳтәыла аекспозициа адгалара мҩаҧызгараны иҟоу аҧснытәи аделегациа алахәылацәа алархәны аусуратә еилатәара мҩаҧигеит.

“Аҧсны Анаҧхгара, аҩҳәынҭқаррак рхьыҧшымра аҩганктәи азхаҵара инақәыршәаны, Шьамтәыла имҩаҧысуа ацәыргақәҵа хада ахь ааҧхьара аиуит. Ҳара 45-ҩык рыла еилоу аделегациа еиқәҳаршәеит. Уи аилазаара иалалеит Аҧсны еиуеиҧшым аминистррақәеи ахылаҧшырҭақәеи рнаҧхгаҩцәеи рхаҭарнакцәеи”, – ҳәа иҳәеит Геннади Гагәылиа.

Ацәыргақәҵа аартра мҩаҧгахоит ҳазну ашықәс, цәыббрамза 6 рзы. Аартра ашьҭахь актәи амш – Аҧсны иамшны иҧхьаӡахоит. “Аҧсны иазоужьхоит аконцерттәи ацәыргақәҵатәи апошьадкақәа. Ҳара Аҧсны Амш азы инеиҵыху апрограмма еиқәҳаршәароуп”, – ҳәа иҳәеит Геннади Гагәылиа.

Аҧснытәи апавилион аҭакзаара 100 квадрат метр рҟынӡа инаӡоит.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа