Ажәабжьқәа

Популярное

Аҧснытәи аспортсменцәа карате Кекусинкаи (кумите) азы аҧхьахәгара-ачемпионат аҿы аҧхьахә ҭыҧқәа ааныркылеит

179
06.11.2017 12:28
Аҧснытәи аспортсменцәа карате Кекусинкаи (кумите)  азы аҧхьахәгара-ачемпионат аҿы аҧхьахә ҭыҧқәа ааныркылеит
Аицлабрақәа 12-13, 14-15 шықәса зхыҵуа арҧарцәеи аҭыҧҳацәеи, 16-17 шықәса зхыҵхьоугьы 18 шықәса ирхызхьоу арҧарцәеи рыбжьара имҩаҧган.

Аҟәа. Абҵарамза 6. Аҧсныпресс. Карате Кекусинкаи (кумите) азы Аладатәии Нхыҵ-Кавказтәии афедералтә округқәа раҧхьахәгара-ачемпионат Волгоград ақалақь аҿы имҩаҧысит. 

Аицлабрақәа 12-13, 14-15 шықәса зхыҵуа арҧарцәеи аҭыҧҳацәеи, 16-17 шықәса зхыҵхьоугьы 18 шықәса ирхызхьоу арҧарцәеи рыбжьара имҩаҧган.  

Ачемпионат рхы аладырхәит Волгоградтәи аобласть, Ставропольтәи атәылаҿацә, Астрахантәи аобласть, Краснодартәи атәылаҿацә, Ростовтәи аобласть, Ҟабарда-Балкариатәи Ареспублика, Ҟарачы-Черкессиатәи Ареспублика, Ареспублика Ҟрым, Даҕьсҭантәи Ареспублика, Аҧсны Аҳәынҭқарра, уҳәа акомандақәа 10 рҟынтәи 150-ҩык аспортсменцәа. 

Аҧсны еизгоу акоманда аилазаараҿы иқәгылеит Аҟәа ақалақь Ахадара аҿари аспорти рызҵаарақәа рзы Аилак иатәу Ахәыҷтәы-қәыҧштә спорттә школ №1 аҟынтәи 12-ҩык аспортсменцәеи, Очамчыра ақалақь Ахәыҷтәы-қәыҧштә спорттә школ аҟынтәи 4-ҩык аспортсменцәеи.  

Имҩаҧгаз аиндаҭларақәа реихшьаалақәа рыла, аҧснытәи аспортсменцәа руаӡәк актәи аҭыҧ ааникылеит, ф-ҩык–аҩбатәи аҭыҧқәа, ҩыџьа-ахҧатәи аҭыҧ ааныркылеит: 
I аҭыҧ – Илиа Дочиа; 
II аҭыҧ – Анри Қәаранӡиа (ақ. Аҟәа);
II аҭыҧ– Инал Тарканов (ақ. Аҟәа);
II аҭыҧ – Наур Аџьынџьал (ақ. Аҟәа);
II аҭыҧ – Гарри Ҵәыџьба (ақ. Аҟәа);
II аҭыҧ – Зураб Мурадиан (ақ. Очамчыра);
II аҭыҧ – Шьааб Ҵәыџьба (ақ. Очамчыра);
III аҭыҧ – Сергеи Дочиа (ақ. Аҟәа);
III аҭыҧ – Џьахар Саламгириев (ақ. Аҟәа).

Аспортсменцәа азыҟарҵоит Витали Ҷаҭанааи (ақ.Аҟәа) Зураб Мурадиани (ақ. Очамчыра).

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа