Ажәабжьқәа

Популярное

Аҧснытәи аспортсменцәа Франциа имҩаԥысуаз V Адунеи Ахраҿа агара қәҿиарала рхы аладырхәит

605
24.11.2016 17:25
Аҧснытәи аспортсменцәа Франциа имҩаԥысуаз V Адунеи Ахраҿа агара қәҿиарала рхы аладырхәит
Ахраҿа агара 11 тәыла алахәын.

Аҟәа. Абҵарамза 24. Аҧсныпресс. Карате-до азы Аҧснытәи амилаҭтә Федерациа, иара убас, Аҟәа ақалақь ахадара карате-до азы асекциа аспортсменцәеи, Франциа имҩаҧысуаз Шотокан Казэ Ха азы V Адунеи Ахраҿа агареи ақалақьқәа Рони, Сиубуа, Париж имҩаҧгаз жәларбжьаратәи асеминарқәеи (атехникатә, аӡбаратә, амастер-класстә) уҳәа рхы аладырхәит.

Ахраҿа агара рхы аладырхәит 11 тәыла рҟынтәи аспортсменцәа. Ари ахырхарҭа аҿы еиҳарак аҧыжәа рымоуп ҳәа иҧхьаӡан – Франциа, Еиду Америкатәи Аштатқәа, Канада, Мексика, Урыстәыла, Казахсҭан, Куба, иара убас , 2010 шықәсазы Мексикеи, 2014 шықәсазы Кубеи рҿы имҩаҧысуаз атурнирқәа рҟны Адунеи Ахраҿа ҩынтә агара зылшаз Аҧснытәи аспортсменцәагьы.

Ҳара ҳаспортсменцәа “фукуго” ҳәа изышьҭоу апрограммеи аиуниортә-командтә еиҧыларақәеи рҿы қәҿиарала иқәгылеит:

Николь Агәмааи Сослан Бигәааи ахьтәы медалқәа рҽаҧсартәит; Роза Бигәааи Сима Ҳаразиеи – араӡнытә медалқәа; Леон Ешба – аџьазтә медал; Лаша Ченгьелиа Шотокан Казе Ха ала аҧшьбатәи аҭыҧ ааникылеит.

Карате-до азы Аҧснытәи Афедерациа Апрезидент, Аҧснытәи еизгоу акоманда азыҟаҵаҩ хада Ахра Абыхәба иажәақәа рыла, “ҳара ҳкомандазы Шотокан Казе Ха азы Жәларбжьаратәи Афедерациа Апрезидент Альберт Боутбоул (9-тәи адан, Франциа) Аҧсны 2020 шықәсазы Адунеи Ахраҿа агара Аҟәа ақалақь аҿы амҩаҧгаразы азин аиуит ҳәа иҟаиҵаз алаҳәара, зегьы иреиҳау иааираны иҟалеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа