Ажәабжьқәа

Популярное

Аҧснытәи аспортсмен Ипполит Аҟәбардиа аӡиудо азы IX Жәларбжьаратәи атурнир “Ааҧынтәи агәыҕрақәа” аҿы актәи аҭыҧ ааникылеит

1211
30.04.2018 14:04
Аҧснытәи аспортсмен Ипполит Аҟәбардиа аӡиудо азы IX Жәларбжьаратәи атурнир “Ааҧынтәи агәыҕрақәа” аҿы актәи аҭыҧ ааникылеит
46 кьыла иҟоу акапантә категориа иаҵанакуа рыбжьара, 7 еицлабрак рҿы аиааира ганы, 1-тәи аҭыҧ ааникылеит Ипполит Аҟәбардиа.

Аҟәа. Мшаҧымза 30. Аҧсныпресс. Москва ақалақь аҿы 2002-2004 шықәса рзы ииз арҧарцәа рыбжьара традициала имҩаҧысуа IX жәларбжьаратәи атурнир рхы аладырхәит адунеи атәылақәа 9 рҟынтәи 49 команда иалоу 500-ҩык инарзынаҧшуа аспортсменцәа. Аицлабрақәа ирылахәын Аҧсны Аҳәынҭқарра акомандагьы. Уи ахьӡала иқәгылеит Аҟәа ақалақь Ахадара аҿари аспорти рызҵаарақәа рзы Аилак аспортсменцәа.

Акоманда азыҟаҵаҩ Андреи Погосов ишазгәеиҭаз ала, “атурнир акапантә категориақәа зегьы рҿы даара ихьанҭаз аиҿагылара мҩаҧысуан, аҧхьахәтә ҭыҧқәа рҟынӡа анаӡара 7-9 еиицлабра рыла акәын ишалыршахоз”.

46 кьыла иҟоу акапантә категориа иаҵанакуа рыбжьара, 7 еицлабрак рҿы аиааира ганы, 1-тәи аҭыҧ ааникылеит Ипполит Аҟәбардиа.

Иара убасҵәҟьа, Ипполит Аҟәбардиа “Иреиҕьу атехника азы” аҳамҭа ҷыда ианашьахеит.

90 кьыла иҟоу акапантә категориа иаҵанакуа рыбжьара, Алхас Малхасиан 3-тәи аҭыҧ азы аицлабра иқәымҿиаӡеит, аха уигьы 5-6тәи аҭыҧ азы амедал ианашьахеит.

Ҩыџьа аҧснытәи аспортсменцәа Сабри Бигәвааи (55кь.), Карен Вартеваниани (73кь.), 4 еицлабрак рҿы аиааира ргеит, аха убри аан афиналбжа ахь анаӡара азы аицлабра рықәымҿиаӡеит.

Аицлабрақәа рҿы аус иуан Аҧсны ахаҭарнакгьы, 1-тәи акатегориа змоу аӡбаҩ Саид Адлеиба.

Аҧснытәи аспортсменцәа аҧхьахәқәа ранашьара иазкыз ацеремониа амилаҭтә бираҟ аҵаҟа, Аҧсны Аҳәынҭқарра агимн арҳәарала имҩаҧысуан.

Акоманда азыҟарҵон азыҟаҵаҩцәа Андреи Погосови Сулхан Кьыланааи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа