Ажәабжьқәа

Популярное

Аҧснытәи ашколхәыҷқәа Кремльтәи аҧсаӡҵла иаҭааит

279
11.01.2018 13:29
Аҧснытәи ашколхәыҷқәа Кремльтәи аҧсаӡҵла иаҭааит
Аҧснытәи ашколқәа рҵаҩцәа Урыстәылатәи Афедерациа Апрезидент Иусбарҭа иҟанаҵаз ааҧхьарала иарбоу ашықәсҿыцтәи аусмҩаҧгатә иаҭаартә аҭагылазаашьа роуит.

Аҟәа. Ажьырныҳәамза 11. Аҧсныпресс. Дырмит Басариа. Аӡынтәи аҧсшьарамшқәа рзы Аҳәынҭқарратә Кремльтәи Ахан аҿы ихадоу ахәыҷтәи ашықәсҿыцтәи аусмҩаҧгатә “Кремльтәи аҧсаӡҵла” мҩаҧысит. Ари аныҳәатә усмҩаҧгатә рхы аладырхәит 5 нызықь инареиҳаны ашкохәыҷқәа. Урҭ рхыҧхьаӡараҿы иҟан Аҧснытәи ашколхәыҷқәагьы. Абри азы адыррақәа Аҧсныпресс ахь иаалыцҳаит Аҧсны аҵареи аҭҵаареи Рминистрра аинформациатә системақәа рнаҧхгараҭара азы аспециалист хада Ирина Лашәриаҧҳа.



“Аҧснытәи ашколқәа рҵаҩцәа Урыстәылатәи Афедерациа Апрезидент Иусбарҭа иҟанаҵаз ааҧхьарала иарбоу ашықәсҿыцтәи аусмҩаҧгатә иаҭаартә аҭагылазаашьа роуит. Аделегациа аилазаара иалалеит Аҟәатәи, Калдахәаратәи, Очамчыратәи аинтернатқәа рҿы аҵара зҵо, зҵараҿы ибзиаӡаны зҽалызкааз, еиуеиҧшым аолимпиадақәа рҿы аиааира згаз ахәыҷқәа, иара убас Аҧсны араионқәа зегьы рҟынтәи иреиҕьу ҳәа иалкааз 12-ҩык аҵаҩцәа. Урҭ аҵареи аҭҵаареи Рминистрра ҩыџьа аусзуҩцәеи аҳақьым-апедиатри рыцын”, – ҳәа еиҭалҳәеит Ирина Лашәриаҧҳа.



Аҵареи аҭҵаареи Рминистрра аспециалист лажәақәа рыла, Аҧснытәи ахәыҷқәа рхы аладырхәит акультура-массатә усмҩаҧгатә. Уаҟа дара аҧсуа жәлар рыкәашара нарыгӡеит, уи азы аусмҩаҧгатә аиҿкааҩцәа рҟынтәи аџьшьаратә ҳамҭақәеи аҳаҭыртә шәҟәқәеи ранашьахеит.



Кремль иаҭааз ахәыҷқәа идырбан амузыкатә концерт “Ашықәсҿыцтәи аеҵәахә”. Арахь ааҧхьара зауз зегьы традициала ишаҧну еиҧш, аныҳәатә ҳамҭақәа ранашьан. Аусмҩаҧгатә аҳәаақәа ирҭагӡаны, аҵаҩцәа рзы иара убас Измаилтәи апарк ахь аныҟәара еиҿкаан. Араҟа ахәыҷқәа “Имбирное печенье” ҳәа хыс измаз амастер-класс рхы аладырхәит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа