Ажәабжьқәа

Популярное

Аҧснытәи асахьаҭыхыҩ Ольга Зелинскаиа лусумҭақәа рцәыргақәҵа Москва ақалақь имҩаҧысраны иҟоуп

598
10.09.2015 12:50
Аҧснытәи асахьаҭыхыҩ Ольга Зелинскаиа лусумҭақәа рцәыргақәҵа Москва ақалақь имҩаҧысраны иҟоуп
Зхыҧхьаӡара ҩажәи хҧа инаӡо асахьаҭыхыҩ лҭыхымҭақәеи иара убас уажәраанӡа џьаргьы ицәыргақәҵамыз ҧшь-усумҭак ықәыргылахоит. 

Аҟәа. Сентиабр 10. Аҧсныпресс. “Ацәыргақәҵа “Мистериа” аекспозициа – акульттә усҧшьоуп, анцәаҧҳәыс лымҵахырхәара, амаӡа, хәы змаӡам аҧшӡара адкьыслара, иҳәаадоу амузыкеи асахьеи аҳра ахьыруа еилкаам адунеи аҟынтәи аҳәса рынцәахәқәа рыла аршанхара, ари афантастикатәиу иреалу адунеиқәа рҿы ицәырҵуа арнаменттә формақәа рритм ауп. Аҧагьареи ахҧатуқәҵареи згым анцәарҭыҧҳацәа рсахьа уагәыланахалоит”, – ҳәа “Аҧсныпресс” акорреспондент даниҿцәажәоз аҳәамҭа ҟалҵеит асахьаҭыхыҩ Ольга Зелинскаиа. 

Ацәыргақәҵа аарҭра далахәхоит адизаинер Аида Гыцҧҳа. Уи иапонтәи анышәыҧшь иалху, “AGhandmade “ абренд ала иҭлыжьуа напыла иҟаҵоу аексклиузивтә рҧшӡагақәа асасцәа ирыдылгалоит. 

Ацәыргақәҵа аартхоит сентиабр 18. Уи октиабр 4 рзы арт-хостел “FABRIKA” ҳәа изышьҭоу ацәыргақәҵатә зал аҿы ихыркәшахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа