Ажәабжьқәа

Популярное

Аԥснытәи асахьаҭыхҩы Владимир Делба Леонардо да Винчи ихьӡ зху апремиа далауреатхеит

607
20.10.2016 14:58
Аԥснытәи асахьаҭыхҩы Владимир Делба Леонардо да Винчи ихьӡ зху апремиа далауреатхеит
Леонардо да Винчи ихьӡ зху Жәларбжьаратәи апремиа ХХI ашәышықәса асахьаҭыхыҩцәеи Урыстәыла алитераторцәеи Реидгылақәа рыла иаҧҵан.

Аҟәа. Жьҭаарамза 20. Аҧсныпресс. Москва ақалақь, алитераторцәа рыҩны Хада аҿы Леонардо да Винчи ихьӡ зху Жәларбжьаратәи апремиа анашьара иадҳәалоу ацеремониа мҩаҧысит, ҳәа иаанацҳауеит Урыстәыла иҟоу Аҧсны Ацҳаражәҳәарҭа апресс-маҵзура.

2016 шықәсазы апремиа далауреатхеит аҧсуа сахьаҭыхҩы, апрозаик, апоет, аессеист Владимир Делба.

Алауреат идипломи Леонардо да Винчи имедали Владимр Делба имҩаҧгаз агәырҕьаратә церемониаҿы инапы иаиркит ХХI ашәышықәса асахьаҭыхыҩцәа Реидгыла апрезидент, еицырдыруа апоет, ашәҟәыҩҩы, алитературадырҩы, А. Дельвиг ихьӡ зху алитературатә премиа алауреат – Евгени Степанов.

Евгени Степанов иажәақәа рыла, апремиа анашьаразы аӡбара адкылараан, ажиури алахәылацәа, автор иҧсадгьыл Аҧсны ахь имоу абзиабареи, ижәлар гәакьа рҭоурыхи, рҵасқәеи, аҧхарра зҵоу аиумори рзы адыррақәа, зны-зынла алахьеиқәҵара ацны аҧхьаҩцәа рҟынӡа иназго Владимир Делба ирҿиамҭақәа инарыгӡо апозитивтә роль алыркааит.

“Даҽакала иуҳәозар, Владимир Делба ирҿиара ҳажәларқәа ркультурақәа рааигәатәра иадҳәалоу ахықәкы бзиа иазырхоуп”, - ҳәа инаҵшьны иазгәеиҭеит Евгени Степанов.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа