Ажәабжьқәа

Популярное

Аҧснытәи ахәыҷтәы хореографиатә студиа “Иааирума” афестиваль “Москва верит талантам” аҿы 1 аҭыҧ ааннакылеит

242
09.01.2018 11:43
Аҧснытәи ахәыҷтәы хореографиатә студиа “Иааирума” афестиваль “Москва верит талантам” аҿы 1 аҭыҧ ааннакылеит
Ансамбль аноминациа “Жәлар рыкәашара” аҿы аиааира агара азы 1 аҩаӡара алауреат ҳәа ахьӡ ҳарак анашьахеит.

Москва. Ажьырныҳәамза 9. Аҧсныпресс. Дырмит Басариа. Аҧснытәи ахәыҷтәы хореографиатә студиа “Иааирума” ахәыҷқәеи ақәыҧшцәеи рҟазара азы X Жәларбжьаратәи афестиваль-конкурс “Москва верит талантам” аҿы 1 аҭыҧ ааннакылеит. Иарбоу аусмҩаҧгатә Москва ақалақь, ажьырныҳәамза 5 инаркны 8 рҟынӡа имҩаҧысуан. Абри атәы Аҧсныпресс иазааицҳаит ансамбль асахьаркыратә наҧхгаҩы Вахтанг Возба. 

Ансамбль “Иааирума” инанагӡаз акәашара “Аҧсуаа рыкәашара” аконкурстә программа аҿы аиааира агеит. Уи агала-концерт аҿы ажиури ала аноминациа “Жәлар рыкәашара” аҿы аиааира агара азы 1 аҩаӡара алауреат ҳәа ахьӡ ҳарак анашьахеит. Ари афестиваль аҿы аиааира агара – аколлектив рыҿиаратә мҩа аҿы еихьӡара дууны иҟалеит. Урыстәыла арегионқәеи Асовет Еидгыла ҧыхьатәи атәылақәеи рҟынтәи 30 коллектив инареиҳаны аконкурс рхы аладырхәит”, – ҳәа иҳәеит Вахтанг Возба.  

Иара убас, аусмҩаҧгатә аҳәаақәа ирҭагӡаны, Вахтанг Возба “Амилаҭтә культура аҿиара аҿы илагала ду азы” адиплом ианашьахеит.

Ансамбль “Иааирума” асахьаркыратә наҧхгаҩы иажәақәа рыла, афестиваль аиҿкаҩцәа ансамбль асуперфинал алахәхаразы ааҧхьара рырҭеит. Уи ажьырныҳәамза, 2018 шықәса рзы ақалақь Санкт-Петербург имҩаҧысраны иҟоуп. Асуперфинал аҧхьахәтә фонд 500 000 мааҭ рҟынӡа инаӡоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа