Ажәабжьқәа
08.08.2018 22:46 126

Популярное

Аҧснытәи Аиашахаҵаратә Уахәама аидгыларазы иаанарҧшыз аҧшьгара лҵшәадахеит

433
05.02.2018 13:53
Аҧснытәи Аиашахаҵаратә Уахәама аидгыларазы иаанарҧшыз аҧшьгара лҵшәадахеит
Аҧснытәи Аиашахаҵаратә Уахәама ахаҭарнакцәа аҳәамҭа ҟарҵеит.

Аҟәа. Жәабранмза 5. Аҧсныпресс. Аҧснытәи Аиашахаҵаратә Уахәама ахаҭарнакцәа аиереи Виссиарион Аҧлиа дазыразны абас еиҧш аҳәамҭа ҟарҵеит: 

“Ҳара Аҧснытәи Аиашахаҵаратә Уахәама аҿаҧхьа ауалҧшьа назыгӡо ҳауаажәларра  рнапы злаку аусқәа зегьы рҿы аҳәоуеиқәшәареи аҭынчреи акзаареи рзеиҕьаҳшьоит. Еиҳаракгьы уи ахьхымҧадатәиу ауахәаматә еилазаара аҿы ауп.  Ишышәдыруа еиҧш, Аҧсны абар шьҭа шықәсқәак инеиҧынкыланы ауахәаматә еилазаара ашьақәгылара аганахьала аилибамкаара аҭыҧ  амоуп. Уи ҳара  зегьы раҧхьаӡа иргыланы ауаажәларра  рҭышәынтәалара азы ашәарҭара ду зцу аҽеиҩшара аҳасабала ҳахәаҧшуеит. 

Иарбоу аҟыҟ-ҿыҟ аполитикатә еилазаараи асоциалтә шьақәгылашьеи анырра ду анаҭеит. Зыӡбахә ҳамоу апроцесс ауаажәларра рҿы аӡәгьы насҭха дааннамыжьит.

Убри инамаданы, Аҧснытәи Аиашахаҵаратә Уахәама аҿаҧхьа ауалҧшьа назыгӡо, аб Дорофеи ихьӡала Аҧсны Иҧшьоу Аметрополиа анаҧхгара ахь, иҟоу аҭоурыхтә етап аҿы хаҭалатәи амбициақәа насҭха иааныжьны, ҳауаажәларра зегьы рыҿиара ахьӡала аҽеидкыларазы аҧшьгара ҟанаҵеит. Аб Дорофеи ари аҧшьгара азныказы дақәшаҳаҭхеит. Убри аан уи Аҧснытәи Аиашахаҵаратә Уахәама аҿиаразы хра злоу аус азы иахьынӡалшо аизыҟазаашьақәа реиҭарҿиара дшазхиоу азгәеиҭеит.   

 Аха ҳара амчразаҵәра азы азҵаара анықәҳаргыла ашьҭахь аҳәоуеиқәымшәарақәа цәырҵит. Ахәҭакахьала, аб Дорофеи Аҧсны Иҧшьоу Аметрополиеи аб Виссарион Аҧлиа наҧхгара зиҭо Аҧснытәи Аиашахаҵаратә Уахәамеи реицхьыҧшызаара шзалыршамхо, уи иара дшақәшаҳаҭып инаҵшьны  азгәеиҭеит. Аха убри аан, Ауахәама аканонтә шьақәгылашьа аиерархиатә еишьҭагыларагьы шазҧхьагәанаҭо азгәоумҭаргьы залшом. Ҳара макьаназы аеписком дахьҳамами, Ауахәама ашьақәгылашьа  амчразаҵәра ада ишзалмыршахоуи инамаданы, аб Виссарион  имоу ақәреи  анцәаимҵаныҳәаратә ҧышәа дууи ҳасаб рзуны, аҧшьаҩы еиҳабык иаҳасабала ҳихәаҧшуеит. Убри аҟнытә, аиереи Виссарион  Аҧснытәи Аиашахаҵаратә Уахәама Ахеилак ахантәаҩысгьы дамоуп.

Ҳаизыҟазаашьақәа реибарххара аҿы иҩбахаз, аб Дорофеи Урыстәылатәи Аиашахаҵаратә Уахәама аҿы анцәаимҵаныҳәарақәа рымҩаҧгаразы иху ақәиҭымтәра аанкылара инамаданы азыҳәа алагаларазы Аҧснытәи Аиашахаҵаратә Уахәама иҟанаҵаз ажәалагала ауп. Аб Дорофеи ари азҵаара иара ахшыҩзышьҭра шаимҭо азы аҳәамҭа ҟаиҵеит. Аха уеизгьы ҳара ҳгәаанагарала, уи Урыстәылатәи Аиашахаҵаратә Уахәама аҿы анцәаимҵаныҳәарақәа рымҩаҧгаразы иху ақәиҭымтәра аанкылареи аҧшьаҩы изинқәа реиҭашьақәыргылареи  рыда ҳаидгыланы ауалҧшьа аицынагӡаразы алшара зыҟалаӡом. 

Убри инақәыршәаны, иахьазы Аҧснытәи Аиашахаҵаратә Уахәама аидгыларазы иаанарҧшыз аҧшьгара лҵшәадахеит. Аб Дорофеи иарбоу аетап аҿы аидгылареи акзаареи дазыхиамзар ҟалап”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа