Ажәабжьқәа

Популярное

Аҧснытәи аделегациа Донецк ақалақь аҿы Ареспублика Амш азгәаҭаоа иазкны имҩаҧысуаз аныҳәаатә усмҩаҧгатәқәа ахы аланархәит

155
12.05.2017 10:10
Аҧснытәи аделегациа Донецк ақалақь аҿы Ареспублика Амш азгәаҭаоа иазкны имҩаҧысуаз аныҳәаатә усмҩаҧгатәқәа ахы аланархәит
Аҧсны адәныҟатәи аусқәа рминистр Даур Ақаҩба наҧхгара зиҭо аделегациа Донецктәи Жәлартә Республика ахь аҭаара мҩаҧысуеит.

Аҟәа. Лаҵарамза 12. Аҧсныпресс. Аҧснытәи аделегациа Донецктәи Жәлартә Республика ахь аҭаара аҳәаақәа ирҭагӡаны, Донецк ақалақь аҿы Ареспублика Амш азгәаҭара иазкны имҩаҧысуаз аныҳәатә усмҩаҧгатәқәа рылахәхаразы иааз аҳәаанырцәтәи аделегациақәа рхадацәа Донецктәи Жәлартә Республика Ахада Александр Захарченко иҧылара мҩаҧысит.

Аҧсны адәныҟатәи аусқәа рминистр Даур Ақаҩба А. Соловианенко ихьӡ зху Донецктәи академикатә аопереи абалети рытиатр аҿы Ареспублика Амш азгәаҭаоа иазкны еиҿкааз аныҳәатә хәылҧазы аҿы ажәахә ҟаиҵеит.

Донецктәи Жәлартә Республика Ахада иҭижьыз Аусҧҟа инақәыршәаны, ажәларқәа рыбжьара аусеицуреи аиҩызаратә еизыҟазаашьақәа рыҿиареи аҳәынҭқаррақәа рыбжьара аҭынчҧсҭазаара ашьақәырҕәҕәареи иазырхоу аус аҿы иҷыдоу илагала азы, Аҧсны Аҳәынҭқарра адәныҟатәи аусқәа рминистр Даур Ақаҩба Аиҩызара Аорден ианашьахеит.

Аҭаара иалагӡаны Аҧснытәи аделегациеи егьырҭ атәылақәа рҟынтәи аофициалтә делегациақәа рхаҭарнакцәеи Арратә-ҭоурыхтә музеи иаҭааит, Донецктәи ареспубликатә атәыладырратә музеи уи аҿгеи рҿы ицәыргақәҵоу аекспозициақәа ирыхәаҧшит.


(АП): Ареспублика Амш – Донецктәи Жәлартә Республика ахьыҧшымра азы алахьынҵа ачаҧара иазырхаз аӡбара адкылара ахьыҟалаз, лаҵарамза 11, 2014 шықәса азы имҩаҧгаз ареферендум анымҩаҧгаз амш азгәаҭара иадҳәалахеит. Ари амш аҽны Украина Донецктәи аобласт ауааҧсыра рҟынтәи 75% ареферендум рхы аладырхәит. Урҭ рахьынтә 90% Донбасс ахьыҧшымра азы рыбжьы рҭиит. Иара убасҟанҵәҟьа Лугансктәи аобласт аҿгьы ареферендум мҩаҧган, аха аиашьаратә Лугансктәи Жәлартә Республика аҿы Ареспублика Амш аофициалла лаҵарамза 12 – абжьыҭира алҵшәақәа рыларҵәара амш аҽны иазгәарҭоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа