Ажәабжьқәа

Аҧснытәи аделегациа Ҟабарда-Балкариатәи Ареспублика Ахада инаугурациа иазку ацеремониа ахы аланархәит

263
03.10.2019 21:10
Аҧснытәи аделегациа Ҟабарда-Балкариатәи Ареспублика Ахада инаугурациа иазку ацеремониа ахы аланархәит
Аҧсны Анапхгара аделегациа Ҟабарда-Балкариатәи Ареспублика официалла иаҭаауеит.

Аҟәа. Жьҭаарамза 3. Аҧсныпресс. Аҧсны Анапхгара аделегациа, Ҟабарда-Балкариатәи Ареспублика Ахада Казбек Коков имаҵураҭыҧ ахагылара иазку аныҳәатә церемониа ахы аланархәит.

Аҧсны аҧыза-министр ихаҭыҧуаҩ, афинансқәа рминистр Џьансыхә Нанба Аҧсны Аҳәынҭқарра Ахада Рауль Ҳаџьымба ихьӡала адныҳәаларатә шәҟәы даҧхьеит: “Ҳаҭыр зқәу Казбек Валери-иҧа! Исымоу алшара схы иархәаны, Ҟабарда-Балкариатәи Ареспублика Ахада имаҵураҭыҧ официалла ахагылара шәыдысныҳәалоит. Иҳараку шәзанааҭдырра аҩаӡара, ишәылоу апринципра, шәыжәлар ринтересқәа рыхьчара гәыкала азнеира ирыбзоураны аҳаҭырқәҵареи апатуи шәырҳаит. Шәара апатриот иаша, аҭакҧхықәра  зду узҩык иаҳасабала шәеицырдыруеит. Агәра ганы сыҟоуп, Шәара Ҟабарда-Балкариатәи Ареспублика Ахада имаҵураҭыҧ аҿы шәусура, ҳреспубликақәа рыбжьара аиашьаратә еизыҟазаашьақәа анаҩстәи рыҿиареи рырҕәҕәареи ишацхраауа.

Ҳаҭыр зқәу Казбек Валери-иҧа, даҽазныкгьы ишәыдысныҳәалоит Ҟабарда-Балкариатәи Ареспублика Ахада имаҵураҭыҧ официалла ахагылара, гәык-ҧсыкала ишәзеиҕьасшьоит агәабзиара, иаанышәкыло иреиҳаӡоу аҳәынҭқарратә маҵураҭыҧ аҿы ақәҿиарақәеи аманшәалареи, Ҟабарда-Балкариа ажәлар – аҭынчреи, аизҳазыҕьареи, аҭышәынтәалареи!”


(АП): Аҧыза-министр ихаҭыҧуаҩ, афинансқәа рминистр Џьансыхә Нанба, аекономика аминистр Адгәыр Арӡыынба, аминистрцәа Реилазаара Аппарат анапхгаҩы Давид Сангәылиа зеилаазараҿы иҟоу Аҧсны Анапхгара аделегациа, Ахада имаҵураҭыҧ ахагылара иазку аныҳәатә церемониа ахалархәразы Ҟабарда-Балкариатәи Ареспублика официалла иаҭаауеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа