Ажәабжьқәа

Популярное

Аҧснытәи аделегациа Аҿар рҵарадырратә Форум аусура “Без границ-2019” ахы аланархәуеит

154
04.06.2019 17:08
Аҧснытәи аделегациа Аҿар рҵарадырратә Форум аусура  “Без границ-2019” ахы аланархәуеит
Афорум “Без границ-2019” рашәарамза 1 инаркны 5 рҟынӡа Аахыҵ Уаҧстәыла аҿы имҩаҧыслоит.

Аҟәа. Рашәарамза 4. Аҧсныпресс. Дамеи Касланӡиа. Аҧснытәи ҧшьҩык арҧарцәа, Аахыҵ Уаҧстәыла, Алагиртәи араион, Тамиск аҳаблаҿы имҩаҧысуа  актәи урыстәылазегьтәи аҿар рҵарадырратә Форум “Без границ-2019” аусура рхы аладырхәуеит.

Сынтәа ари Афорум раҧхьаӡа акәны Урыстәыла зегьы аҵанакит. Ари апроект алахәылацәа –  згәабзиаратә лшарақәа ҧку арҧарцәеи аҭыҧҳацәеи роуп.

Аҧсны аҿартә политикеи аспорти рзы аҳәынҭқарратә Еилакы аҿар рыҟәша азанааҭдырҩы хада Владимир Џьоџьуа Аҧсныпресс акорреспондент диҿцәажәо аусмҩаҧгатә атәы далацәажәеит: “Аҧсны ахьӡала Афорум ахь ицеит 4-ҩык – Орҳан Анқәаб, Иан Ҧлиа, Милана Аџьбеи Баҭал Гамгиеи. Афорум аҿы апроектҟаҵара азы аспециалистцәа, ауаажәларратәии аполитикатәи аусзуҩцәа, акультура аусзуҩцәа, иара убас, еицырдыруа аспортсменцәа злаху атренингқәа мҩаҧгахоит. Иара убас, аусура ҭыҧла аиқәыршәаразы аспециалистцәа аҿар ирышьашәалоу азанааҭқәеи авакансиақәеи ртәы рзеиҭарҳәоит”.

Убри аан, Владимир Џьоџьуа инаҵшьны иазгәеиҭеит: “Аусмҩаҧгатә актәи амш азы алахәылацәа рзы арҿиаратә коллективқәа злахәыз аныҳәатә концерт еиҿкаан, раҧхьаӡа акәны Афорум агимн арҳәан. Ареспублика асацәа “Аҧааимбарцәа рықалақь”, иара убас арт-ҵакыра “Портал” иаҭааит.

Апроект алахәылацәаны иҟалеит Нхыҵ-Кавказтәи Афедералтә Округ Ареспубликақәа, Санкт-Петербург, Тобольск, Калининградтәи аобласт, Бырзентәыла, Ҟазахсҭан, Ҟыргызсҭан, Аҧсны, Аахыҵ Уаҧстәыла рҟынтәи 200-ҩык инареиҳаны арҧарцәеи аҭыҧҳацәеи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа