Ажәабжьқәа

Аҧснытәи аделегациа ақалақь Нижни Новгород имҩаҧысуа Жәларбжьаратәи абизнесс-саммит ахы аланархәит

609
10.09.2015 10:52
Аҧснытәи аделегациа ақалақь  Нижни Новгород имҩаҧысуа Жәларбжьаратәи абизнесс-саммит ахы аланархәит
Абизнесс-саммит 44 тәылеи Урыстәыла Афедерациа 39 субиекти рҟынтәи жәеиза нызықьҩык ахаҭарнакцәа рхы аладырхәуеит.

Аҟәа. Сентиабр 10. Аҧсныпресс. Нижегородтәи аобласт анаҧхгара ааҧхьарала, уа Аҧсны ахьӡала иҟоу аҳатыр зқәу аконсул ицхыраарала, ақыҭанхамҩа аминистр ихаҭыҧуаҩ Владимир Дауров, Аҧсны Ахәаахәҭра-ааглыхратә палата апрезидент ихаҭыҧуаҩ Адгәыр Лушба, Ахәаахәҭра-ааглыхратә палата атуризм аҟәша аиҳабы Инара Даурова аҧсуа делегациа иалахәны Нижни Новгород имҩаҧысуа “Жәларбжьаратәи абизнесс-саммит–2015” рхы аладырхәуеит. 

Аҧснытәи аделегациа Нижни Новгород рыҟазаара актәи амш азы апленартә еилатәара “Россия: в будущее вместе” рхы аладырхәит. Уи иаҭааит Нижни Новгородтәи аобласт агубернатор Валери Шанцев, Кировтәи аобласт агубернатор, азакәанҧҵаратә еизарақәа рнаҧхгаҩцәа, иара убас, аҳәаанырцәтәи абизнес-делегациақәа рхаҭарнакцәа. Аделегациа иара убас ақыҭанхамҩатә аалыҵ аӡыргареи аҭиреи иазкыз астол гьежь ахы аланырхәит. 

Аҧсуа делегациа ахаҭарнакцәеи Нижегородтәи аобласт ақыҭанхамҩеи афатә аалыҵ ала аиқәыршәареи рзы аминистр ихаҭыҧуаҩ Сергеи Куренчикови еиҧылеит. Аиҧылараҿы Аҧсни Нижни Новгородтәи аобласти рҟынтәи ақыҭанхамҩатә аалыҵ аарыхыҩцәеи аусадулаҩцәеи русеицура азҵаарақәа ирылацәажәеит. 

Абизнес-саммит сентиабр 11-нӡа имҩаҧыслоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа