Ажәабжьқәа

Аҧснытәи абоксиор Урыстәыла Аҧхьахәгара ахь апутиовка даиааит

51
16.04.2019 17:17
Аҧснытәи абоксиор Урыстәыла Аҧхьахәгара ахь апутиовка даиааит
Хорен Акопиан 41,5 кьыла рҟынӡа инаӡо акапантә категориа иаҵанакуа рыбжьара аиааира агара илшеит.

Аҟәа. Мшаҧымза 16. Аҧсныпресс. Аҧснытәи х-ҩык аспортсменцәа 2005-2006 шш. ииз арҧарцәа рыбжьара абокс азы атурнир “Урыстәыла” рхы аладырхәит. Аспорттә усмҩаҧгатә ақалақь  Славянске-на-Кубани аҿы имҩаҧысит. 

Ари аспорттә усмҩаҧгатә, сынтәа Анапа ақалақь аҿы имҩаҧысраны иҟоу абокс азы Урыстәыла Аҧхьахәгара ахь алкааратә турнируп.

Аицлабрақәа рхы аладырхәит 130-ҩык инареиҳаны аспортсменцәа.

Аҧсны абҩарҵәыреи аспорти рзы аҳәынҭқарратә Еилакы иҟанаҵо адыррақәа рыла, аспоррсменцәа зегьы актәи аҭыҧ аанкылареи, иара убри ала Урыстәыла Аҧхьахәгара алахәхаразы азин аиуреи хықәкыс ирыман.

Ихықәкы анагӡара илшеит Хорен Акопиан. Уи, 41,5 кьыла рҟынӡа инаӡо акапантә категориа иаҵанакуа рыбжьара аиааира игеит. 48 кьыла иҟоу акапантә категориа иаҵанакуа рыбжьара аҩбатәи аҭыҧ ааникылеит Никита Чуаз.

Аспортсменцәа азыҟаиҵоит Едуард Депелиан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа