Ажәабжьқәа
08.08.2018 22:46 118

Аҧснытәи аарыхыҩцәа раалыҵ абар хәынтәны Курсктәи Корентәи ахәаахәҭратә цәыргақәҵа аҿы ицәыргахоит

685
11.06.2018 11:23
Аҧснытәи аарыхыҩцәа раалыҵ абар хәынтәны Курсктәи Корентәи ахәаахәҭратә цәыргақәҵа аҿы ицәыргахоит
Аҧсны Ахәаахәҭра-ааглыхратә Палата Курсктәи Корентәи ахәаахәҭратә цәыргақәҵа-2018 ахы аланархәит.

Аҟәа. Рашәарамза 11. Аҧсныпресс. Курск ақалақь аҿы еизакны аҭиреи еихыҧсаҟьаны ахәҳахәҭреи рзы XVIII арегионбжьаратәи ауниверсалтә ахәҳаахәҭратә цәыргақәҵа “Курсктәи Корентәи ахәҳаахәҭратә цәыргақәҵа-2018” мҩаҧысит. Иарбоу аусмҩаҧгатә алахәылацәа рхыҧхьаӡараҿы иҟоуп Белоруссиа, Виетнам, Индиа, Шри-Ланка, Китаитәи Жәлартә Демократиатә Республика, Германиа, Молдавиа, уҳәа егьырҭ атәылақәа жәпакы рхаҭарнакцәа. 

Аҧсны Аҳәынҭқарра ахьӡала ари аусмҩаҧгатә иалахәын Аҧсны Ахада Иусбарҭа анаҧхгаҩы ихаҭыҧуаҩ Адгәыр Лышәба наҧхгара зиҭоз аделегациа. Аделегациа аилазаара иалалеит Аҧсны ақыҭанхамҩа аминистр ихаҭыҧуаҩ Владимир Дауров, аекономика Аминистрра аҟны иҟоу аҳәынҭқарратә инвестициатә Маҵзура анаҧхгаҩы Инар Гыцба, Аҧсны Ахәаахәҭра-ааглыхратә Палата аусуратә информациеи асертификациеи Русбарҭеи адәныҟатәи аимадареи аинвестициақәа ралагалареи Русбарҭа аспециалистцәа – Херсон Симониеи Алиса Лакәыеи, иара убас, Ареспубликатә Унитартә Наплакы “Абхазмед” анаҧхгаҩы Даур Тыгәышь, Зҭакҧхықәра Ҳәаақәҵоу Аилазаара  “Аҟәатәи” ауарашршыга зауад ахаҭарнак Есма Кәартааҧҳа. 

Аҧсны абар хәынтәуп “Курсктәи Корентәи ахәаахәҭратә цәыргақәҵа" ахы аланархәоижьҭеи. Аҧсни Курсктәи аобласти ирыбжьарҵаз анаҧхгарабжьаратәи аиқәшаҳаҭрақәа рҳәаақәа ирҭагӡаны, аҧснытәи аделегациа ацәыргақәҵатә павильон хада азоужьын. 

Аҧснытәи аекспозициа традициала Аҧсны аҭыҧ ҧшӡарақәеи аҧснытәи аусдкылаҩцәеи хаҭалатәи анаплакҩцәеи иҭрыжьуа, инарҭбаау ассортимент змоу аалыҵи зну абаннерқәа рыла адгалара мҩаҧган. Урҭ иреиуоуп: Зҭакҧхықәра Ҳәаақәҵоу Аилазаара “Аҧсны Аҩқәеи Аӡқәеи” – аҩи акониаки, Зҭакҧхықәра Ҳәаақәҵоу Аилазаара “”Аҟәатәи” ауарашршыга зауад – ауараши алимонади, Зҭакҧхықәра Ҳәаақәҵоу Аилазаара “Аҧсныаалыҵ" – аџьыка, Зҭакҧхықәра Ҳәаақәҵоу Аилазаара “Шато Абхаз” – ауадка,  Хаҭалатәи Анаплакҩы Кәыҵниа – асыӡбал, Хаҭалатәи Анаплакҩы Џьанашьиа – ацха, Хаҭалатәи Анаплакҩы Шохин – ашәыртә еиларшқәа, Хаҭалатәи Анаплакҩы Мықәба – ауадка, Аҧснытәи ашьхааӡаҩцәа  Рассоциациа аалыҵ– аҧснытәи ацха. Иара убас, ацәыргақәҵа аҭааҩцәа ирыдгалан ашәырҩа, аџьынџьыхәа, араса, акакан, еиуеиҧшым аҳамҭаҷ хкқәа, уҳәа убас иҵегьы. 

Аҧснытәи атауарқәа Курсктәи ахәаахәҭаратә цәыргақәҵа аҭааҩцәа ахшыҩзышьҭра бзиа арҭеит. Курсктәи аобласт агубернатор Александр Михаилови арегион еиуеиҧшым аминистррақәеи ахылаҧшырҭақәеи рхаҭарнакцәеи, апавилион ҳаҭыр зқәу сасцәаны иҟалеит.

Курсктәи ацәыргақәҵа алахәхара Аҧсны Аҳәынҭқарра азы аҵак ду амоуп. Араҟа имҩаҧысуеит аиҿцәажәарақәа, апрезентациақәа, аусуратә еиҧыларақәа, астол гьежьқәа, аусеицуразы аиқәшаҳаҭрақәеи еиуеиҧшым аекономикатә усхқәа рҿы абизнес еилаӡарақәеи рыбжьаҵареи агәаанагарақәа реимадареи мҩаҧысуеит.

Ас еиҧш аусмҩаҧгатәқәа, анаҩс ҳтәыла аекономика аҩаӡара аизырҳара азы хра злоу, аганқәа зегьы  еицырзыфеидоу аусеицура ашьақәгылареи, аусуратә, аекономикатә, акультуратә еимадара аҿиареи ирзырхоуп. Урҭ иара убас, Аҧсны Аҳәынҭқарреи Курсктәи аобласти рыбжьара аусеицура ашьаҭа арҕәҕәоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа