Ажәабжьқәа

Популярное

Аҧснытәи аҭыжьыҩцәа 17-тәи Урыстәылатәи агроааглыхратә цәыргақәҵа “Золотая осень – 2015” рхы аладырхуеит

593
21.08.2015 10:28
Аҧснытәи аҭыжьыҩцәа  17-тәи Урыстәылатәи агроааглыхратә цәыргақәҵа “Золотая осень – 2015” рхы аладырхуеит
Ацәыргақәҵа аламҭалазы аҧыза-министр Артур Амқәаб Аҧсны ахаҭарнакцәа раҳасабала уи иалахәхо анаплакыҩцәа алархәны аусуратә еилатәара мҩаҧигеит. 

Аҟәа. Август 21. Аҧсныпресс. Аиҧылара аартуа аҧыза-министр, аҵыхәтәантәи аамҭазы Урыстәылаҟа идәықәҵахо Аҧсны иҭыжьу атауарқәа рхыҧхьаӡара аизырҳара иадҳәаланы иҟоу атенденциа уахәаҧшуазар, ас еиҧш ацәыргақәҵа алахәра ааглыхыҩцәеи анаплакыҩцәеи рзы мацара акәым, иааизакны атәыла зегьы рзы ҳаҭыр дууп, ҳәа иазгәеиҭеит. 

“Ҳара ҳтауарқәа урыстәылатәи аџьармыкьа аҭахрақәа ирықәшәо иҟаҵатәуп, усҟан ауп ҳара аконкурентра ҳалшо ҳаныҟало. Ацәыргақәҵа алахәрала ишәоуа аҧышәа абизнес амҩаҧгараҿы даара ицхыраагӡа дуны иҟалоит ҳәа агәаанагара сымоуп. Шәара шәаалыҵ рдыруазароуп”, – ҳәа иазгәеиҭеит Артур Амқәаб. 

Аҧсны ас еиҧш ацәыргақәҵа уажәадагьы ахы аланархәхьеит. Аҭыҧантәи анаплакыҩцәа раалыҵ азы изныкымкәа ара аҳаҭыр шәҟәқәеи аҳамҭақәеи ранашьан. Иаагозар, ҵыҧх ҳара ҳреспублика Гран-при анашьан, ҳәа аҳәамҭа ҟаиҵеит Урыстәыла Афедерациа иҟоу Аҧсны ахәаахәҭра ахаҭарнак Олег Барцыц. 

“Золотая осень” — мрагыларатә Европа аҿы идуӡӡоу агроааглыхратә форумны иҧхьаӡоуп. Уи Урыстәыла Афедерациа анаҧхгара ала еиҿкаахоит, имаҷымкәа атәылақәа рхы аладырхәуеит. Иҳаҩсыз ашықәс азы урҭ рхыҧхьаӡара 26 рҟынӡа инаӡон. Урыстәыла Афедерациа арегионқәа хазы иқәгылоит, иара убас адунеи аҿы еицырдыруа идуӡӡоу аҭыжьҩцәа рхатәы тауартә дырга ҷыда ала ацәыргақәҵа рҽаладырхәуеит. Сынтәа БРИКС ҳәа изышьҭоу атәылақәа Реидгыла иаҵанакуа аҳәынҭқаррақәа зегьы ари ацәыргақәҵа иалахәхоит. Ҳара ҳтәылагьы аҭыҧ бзиа азалхуп”, – ҳәа иҳәеит ахәаахәҭратә хаҭарнак. 

Иара убас, сынтәа ацәыргақәҵаҿы инеиҵыху аусуратә хәҭа шазҧхьагәаҭоу азгәеиҭеит. Уи, ҷыдала иазалху аҭыҧқәа рҿы ахатәы проектқәа рӡыргареи адгалара амҩаҧгареи рзы даара иманшәалоуп. Уи адагьы, аусмҩаҧгатә акультуратә хәҭа аҳәаақәа ирҭагӡоу апрограмма, иҟало атәыла азеиҧш ӡыргара аиҿкаара ихадароу ганны иҟоуп. Убри инамаданы, ацәыргақәҵа аҿы ақәгыларазы Аҧснынтәи артистцәа аараны иҟоуп. 

Сынтәа Аҧсны ахаҭарнакцәа раҳасабала ари ацәыргақәҵа иалахәхоит 12 наплакы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа