Ажәабжьқәа

Аԥснытәи аҳақьымцәеи амедицинатә ҵараиурҭа иҭоу астудентцәеи Иорданиа аҵара аиура азы ааԥхьара рырҭеит

558
04.09.2015 11:21
Аԥснытәи аҳақьымцәеи амедицинатә ҵараиурҭа иҭоу астудентцәеи Иорданиа аҵара аиура азы ааԥхьара рырҭеит
Ақалақь Амман иҟоу амедицинатә университет аректор Рами Иаган агәабзиарахьчара аминистр Андзор Гоов иԥылараан Аԥснытәи астудентцәа Иорданиа аҵара роуларц азы ажәалагала ҟаиҵеит. 

Аҟәа. Сентиабр 4. Аԥсныпресс. Апрофессор Рами Иаган Иорданиа аԥсуа диаспора дахаҭарнакуп, Маанаа дырхылҵышьҭроуп, иара ҩынтәуп Аԥсныҟа дауеижьҭеи. Уи иажәақәа рыла, атәылақәа реимадара арӷәӷәара иҭаарақәа ирхықәкны иҟалеит. 

“Иорданиатәи ауниверситет аҟны астудентцәа рҵараиуреи аҳақьымцәа рыквалификациа аизырҳареи ари амҩаҿы раԥхьатәи шьаҿахоит”, ¬ иҳәеит Иаган. Апрофессор иҟаиҵаз ажәалагалала, ргәы иҭоу, еиуеиԥшым атәылақәа рҟынтәи аԥсуа диаспора злахәхо аҳақьымцәа жәларбжьаратәи рконференциа Аԥсны амҩаԥгара аҩбатәи шьаҿаны иҟалар алшоит. 

Андзор Гоов иганахь ала иазгәеиҭеит: “Ҳара Аԥсны ас еиԥш еицырдыруа аҳақьым дахьаҭааз даара ҳаигәырӷьоит. Аԥсны Аџьынџьтәылатәи еибашьра аан уи атәыла иаҳзыҟанаҵаз ацхыраара ҳхашҭуам. Апрофессор дызлацәажәоз ашьаҿақәа, жәаҳәарада, аусеицура арӷәӷәоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа