Ажәабжьқәа

Популярное

Аҧснытәи аҳақьымцәа Жәларбжьаратәи аконгресс рхы аладырхәит

589
19.10.2016 16:24
Аҧснытәи аҳақьымцәа Жәларбжьаратәи аконгресс  рхы аладырхәит
Аҧснытәи аҳақьымцәа рделегациа аҩбатәи Жәларбжьаратәи анаукатә форум “Алабораториатә медицина Урыстәылатәи аконгресс” аҿы рхы аладырхәит.

Аҟәа. Жьҭаарамза 19. Аҧсныпресс. Аҩбатәи Жәларбжьаратәи анаукатә форум “Алабораториатә медицина Урыстәылатәи аконгресс” аҿы аҧснытәи аделегациа анаукатә зҵаарақәа жәпакы рылацәажәаразы рхы аладырхәит. Урыстәыла, Ҟазахсҭан, Бырзентәыла, Германиа, Италиа, уҳәа егьырҭ атәылақәа рҟынтәи аконгресс ахь инеиз аспециалистцәа рхыҧхьаӡара ааизакны 7 090-ҩык рҟынӡа инаӡоит. Абри атәы аанацҳауеит Аҧсны агәабзиарахьчара Аминистрра аинформациатә технологиақәа рыҟәша.

Аҧснытәи аделегациа алахәыла, Аиммунитет азымхара иадҳәалоу иаагоу асиндром (СПИД) апрофилактикеи аҿагылареи рзы Ареспубликатә центр алаборант хада Саида Палҧҳа лажәақәа рыла, “аиҧш-зеиҧшу афорумқәа ҳаамҭазтәи аҭҵааратә методқәа рхархәара иаҵоу аҵакы ахадара аилкаара ҳанаҭоит, аҧснытәи алаборантцәеи аҳақьымцәеи рзанааҭтә ҩаӡара еизнарҳауеит”.

Аконгресс апрограмма иалалеит ачымазара ашьақәырҕәҕәара иазырхоу алаборатортә хархәагақәа рыла аус ауразы азыҟаҵаратә усмҩаҧгатәқәа, иара убас, иҷыдоу амедицинатә еиқәыршәагақәа рхархәаразы аспециалистцәа рыҿцәажәарақәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа