Ажәабжьқәа

Аҧснытәи аҩқәа Амшынеиқәатә форум аҿы иреиҳаӡоу аҳамҭақәа анашьахеит

59
08.07.2019 14:46
Аҧснытәи аҩқәа Амшынеиқәатә форум аҿы иреиҳаӡоу аҳамҭақәа анашьахеит
Афорум Шәача ақалақь аҿы ҧхынгәымза 5-7 рзы имҩаҧысуан.

Аҟәа. Ҧхынгәымза 8. Аҧсныпресс. Дамеи Касланӡиа. Аилазаара “Аҧснытәи аҩқәеи аӡқәеи” Шәача ақалақь имҩаҧысуаз, аҩыҟаҵаразы афбатәи Амшынеиқәатә Форум ахы аланархәит. Анаплакы аалыҵ ианашьахеит ҩба ахьтәы медалқәеи, ҩба араӡны медалки. Абри атәы Аҧсныпресс ахь иааицҳаит анаплакы аҩыҟаҵаҩ хада Валери Аҩӡба.

Валери Аҩӡба иҟаиҵаз адыррақәа рыла: “Афорум рхы аладырхәит Даҕьсҭан, Ермантәыла, Румыниа, Украина, Болгариа, Қырҭтәыла, Приднестровие, Ҟрым, Кранодартәи атәылаҿацә, уҳәа рҟынтәи аҩыҟаҵаратә наплакқәа рхаҭарнакцәа аӡәырҩы”.

Анаплакы аҩыҟаҵаҩ хада иҟаиҵаз адыррақәа рыла, Иарку Аокциаонертә Еилазаара “Аҧснытәи аҩқәеи аӡқәеи” афорум ахь ицәырнагеит  ҧшь-хкык рыла еилоу аалыҵ. “Аконкурс аихшьаалақәа рыла, “Ашҭа Лаша” аҩы шкәакәа ианашьахеит ахьтәы медал, аҩы ҟаҧшь- “араӡы медал”, “Аҭауад” аҩы ҟаҧшь – “ахьтәы медал”, “Абхазское игристое” аҩеилачча шкәакәа (ашампантә ҩы) – “араӡны медал”. Абас ала, Иарку Аокционертә Еилазаара “Аҧснытәи аҩқәеи аӡқәеи” ала зыдгалара мҩаҧгаз аалыҵ зегьы амедалқәа анашьахеит”, – ҳәа иҳәеит иара.

Иҳаҩсыз ашықәс азы, Иарку Аокционертә Еилазаара “Аҧснытәи аҩқәеи аӡқәеи” убасҵәҟьа Амшынеиқәатә форум ахы аланархәуан. Усҟан аҧснытәи аҩыҟаҵаҩцәа ахьтәы медалки ҩ-раӡны медалки ааргеит.


(АП): Аҩыҟаҵаразы Амшынеиқәатә форум ихықәкылатәу акомплекстә усхкытә усмҩаҧгатәуп. Уи амҩаҧгара ҩаҧхьа адгылара анаҭеит Урыстәылатәи Афедерациа ақыҭанхамҩа  Аминистрра.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа