Ажәабжьқәа

Аҧсны Жәлар Реизара-Апарламент Ахылаҧшратә Палата аҟынтәи аҳасабырба рыдыркылеит

461
29.11.2016 12:16
Аҧсны Жәлар Реизара-Апарламент Ахылаҧшратә Палата аҟынтәи аҳасабырба рыдыркылеит
Аҧсны Жәлар Реизара-Апараламент аилатәараҿы “Ахылаҧшратә Палата 2015 шықәсазы аҳасабырба азы” Ақәҵара рыдыркылеит.

Аҟәа. Абҵарамза 29. Аҧсныпресс. Елена Полуиан. Ахылаҧшратә Палата 2015 шықәса азы аҳасабырба Аҧсны Жәлар Реизара-Апарламент аилатәараҿы адгалара мҩаҧигеит Аҧсны Аҳәынҭқарра Ахылаҧшратә Палата ахантәаҩы Роберт Аршба.

Роберт Аршба иажәақәа рыла, 2015 шықәса азы 38 рҟынӡа агәаҭаратәи аексперттә-аналитикатәи усмҩаҧгатәқәа нагӡан. Урҭ ирылҵшәаны, зеицҵалыҵ 1 млрд 8 млн. мааҭ рҟынӡа инаӡо афинансттә еилагарақәеи, иара убас, 25 млн. мааҭ рҟынӡа инаӡо абиуџьеҭтә закәанҧҵара иадҳәалоу аилагарақәа аарҧшхеит, Агәаҭаратә усмҩаҧгатәқәа аихшьаалақәа рыла, 6 материалк Аҧсны апрокуратура Хада ахь идәықәҵан. Роберт Аршба анаплакқәа рҿы аҳасабеилыргаратә ҳасабырбара аиҿкаара иахәҭоу аҩаӡараҿы ишыҟам азгәеиҭеит. Иара убас, Роберт Аршба аҳәынҭқарратә мазареи афинанстә хархәагақәеи ииашамкәа ахархәара Аҟәатәи ахшлыхтә зауад аҿырҧшы аҳасабала иааигеит. Иарбоу азауад аҿы Ахылаҧшратә Палата ала имҩаҧгаз агәаҭарақәа ашьауҕатә ҭакҧхықәра иаҵанакуа аилагарақәа аарҧшхеит. Уи иадҳәалоу аматериалқәа апрокуратура Хада ахь идәықәҵахеит.

Ахылаҧшратә Палата аҳасабырба алацәажәараан, адепутат Кан Кәарҷиа, аҳәынҭқарратә аихамҩатә кредит азҵаара аҭҵаареи аексперттә хәшьара аҭареи шхымҧадатәиу азгәеиҭеит.
“Апроект иалоу афеидазаара нагӡаны иҭымҵааӡакәа аҳәынҭқарра ас еиҧш ауал ақәҵара шҧаҟало!", – ҳәа инаҵшьны иазгәеиҭеит Жәлар Реизара адепутат Леонид Чамагәуа.

Аилацәажәара хыркәшо, Жәлар Реизара - Апарламент аиҳабы Валери Бганба инаҵшьны иазгәеиҭеит: “Апарламент Ахылаҧшратә Палата аусура адгылара анаҭар, аҳәынҭқарра афинанстә усура еиҳа аҽарҕәҕәоит. Анагӡаратә мчра аусбарҭақәа Ахылаҧшратә Палата ицәырнагаз аматериалқәа рыҭҵаара ҭакҧхықәрала иазнеироуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа