Ажәабжьқәа

Популярное

Аҧсны Жәлар Реизара – Апарламент аилатәара мҩаҧысит

183
29.07.2019 13:32
Аҧсны Жәлар Реизара – Апарламент аилатәара мҩаҧысит
Аҧсны Жәлар Реизара – Апарламент аилатәара мҩаҧысит.

Аҟәа. Ҧхынгәымза 29. Аҧсныпресс. Лана Ҵәыџьҧҳа. Аҧсны Жәлар Реизара – Апарламент аҿы аҩбатәии аҵыхәтәантәии аҧхьараҿы “Аҧсны Аҳәынҭқарра Ахада иалхразы” Азакәаен аиҭакрақәа ралагаларазы “Азакәан апроект рыдыркылеит.

Жәлар Реизара – Апарламент аҿы Аҧсны Аҳәынҭқарра Ахада ихаҭарнак Дмитри Шамба аусшәҟәы адгалара мҩаҧигеит: “Алхратә клмиссиа Хада  Аҧсны Жәлар Реизара – Апарламент ахь “Аҳәынҭқарра Ахада иалхразы” Аконституциатә Закәан Ахәҭаҷ 16 иҟоу аредакциа аиҭакрақәа ралагаларазы ажәалагала ҟанаҵеит. Иарбоу ахәҭаҷ инақәыршәаны, алхратә биуллетень аҿы алфавитла иарбахоит акандидат ихьӡ, ижәла, иабхьӡы, данииз, дахьииз, аус ахьиуо, мамзаргьы имаҵураҭыҧ, мамзаргьы уи аус имуазар, – инапы злаку арбара. Иара убас акандидат иқәыргылара мҩаҧызгаз агәыҧ, ма апартиа арбахоит. Иарбоу аинформациа алхратә биуллетень аҿы ианарбахалак, уи атексттә ҵакы ала амцхәзаара аарҧшхоит. Иахьазы, ас еиҧш Аҳәынҭқарра Ахадарахь еиҧш, урҭ рхаҭыҧуаҩцәас иқәгылоугьы акандидатцәа рхыҧхьаӡара аҟазаара инамаданы, алхратә биуллетень ари аҟара, ҩ-бызшәак рыла еиқәыршәоу аинформациа аркра даара иуадаҩхоит. Убри азы ахратә комиссиа Хада Апарламент ахь иарбоу азакәан апроект азы ажәалагала заланагалазгьы. Алхратә комиссиа Хада алхратә ҭыҧхадақәа зегьы рҿы, Аҳәынҭқарра Ахадарахь акандидатцәеи, иара убас Аҳәынҭқарра Ахада ихаҭыҧуаҩцәас иқәгылоу акандидцәа рбиографиатә дыррақәа зну иаку аформала иҟаҵоу аинформациатә материалқәа рыла еиқәнаршәоит”.

Убри аан, аҳәынҭқарра-зинтә политика азы апарламенттә Еилакы ахантәаҩы Валери Агрба иҟаиҵаз адыррақәа рыла, Азакәан апроект Аилак аилатәара аҿы иалацәажәахьан. Аилацәажәара алҵшәақәа рыла уи Апарламент изаамҭанытәиу аилатәара ахь анагара азы аӡбамҭа рыдыркылеит. Иара убас, Азакәан апроект ала алкаа ҟанаҵеит азинтәии аналитикатәии аҟәшақәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа