Ажәабжьқәа

Популярное

Аҧсны Жәлар Реизара – Апарламент адепутатцәа Ахылаҧшратә Палата Апарламент аусура агәаҭара мҩаҧнагарц азы адҵа ҟанаҵеит

667
04.05.2018 12:53
Аҧсны Жәлар Реизара – Апарламент адепутатцәа Ахылаҧшратә Палата Апарламент аусура агәаҭара мҩаҧнагарц азы адҵа ҟанаҵеит
Уи азы Ақәҵара Жәлар Реизара – Апарламент аилатәара аҿы ирыдыркылеит.

Аҟәа. Лаҵарамза 4. Аҧсныпресс. Елена Полуиан. Аҧсны Жәлар Реизара – Апарламент аилатәара аҿы Ахылаҧшратә Палата Апарламент аусура агәаҭара  мҩаҧнагарц азы аӡбамҭа рыдыркылеит. 

Иарбоу Ақәҵара апроект асессиа аҿы адгалара мҩаҧигеит атәылахьчареи амилаҭтә шәарҭадареи рзы Аилак алахәыла Дмитри Дбар. Уи иазгәеиҭеит: “Аҧсны Ахылаҧшратә Палата ахь, 2017 шықәса, ажьырныҳәамза 1 инаркны иахьа уажәраанӡа, аҳәынҭқарратә биуџьет аҟынтәи Жәлар Реизара – Апарламент азы иазоужьыз аҧара хықәкылатәи аныхра амҩаҧысра агәаҭара иазырхоу аусмҩаҧгатә аиҿкаара азы адҵа дәықәҵоуп. Агәаҭаратә усмҩаҧгатә анагӡара азы аҳасабырба ахәаҧшразы Аҧсны Аҳәынҭқарра Апарламент ахь анагара”. Убри аан, Апарламент аиҳабы Валери Кәарҷиа ари аӡбамҭа дадгылеит, насгьы аиҧш-зеиҧшу ашәҟәы Ахылаҧшратә Палата ахь уажәаҧхьагьы ишдәықәиҵахьаз  азгәеиҭеит. “Егьырҭ аиҿкаарақәеи аусбарҭақәеи ргәаҭаразы аҧшьгара ҟаҵо, зегьы раҧхьаӡа иргыланы хаҭала ҳагха-ҧха азгәаҳҭалароуп”, – ҳәа инаҵшьны иазгәеиҭеит аспикер.

Агәаҭара ҧхынгәымза 1, 2018 шықәсанӡа амҩаҧгара азҧхьагәаҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа