Ажәабжьқәа

Популярное

Аҧсны Жәлар Реизара – Апарламент адепутатцәа 2018 шықәсазы Аҳәынҭқарратә биуџьет рыдыркылеит

155
28.12.2017 14:28
Аҧсны Жәлар Реизара – Апарламент адепутатцәа 2018 шықәсазы Аҳәынҭқарратә биуџьет рыдыркылеит
Аҧсны Жәлар Реизара – Апарламент аилатәара аҵыхәтәантәи аҧхьара аҿы “2018 шықәсазы Аҳәынҭқарратә биуџьет азы” азакәан апроект рыдыркылеит.

Аҟәа. Ҧхынҷкәынмза 28. Аҧсныпресс. Елена Полуиан. Аҧсны Жәлар Реизара – Апарламент аилатәара аҩбатәи аҧхьара аҿы адепутатцәа “2018 шықәсазы Аҳәынҭқарратә биуџьет азы” азакәан апроект иалацәажәеит.

Азакәан апроект адгалара мҩаҧго, апрофильтә Еилакы ахантәаҩы Натали Смыр инаҵшьны иазгәалҭеит: “Ҵабыргны, Аҳәынҭқарратә биуџьет асоциал хырхарҭа змоу биуџьетуп. Аха уи-еиуеиҧшым амзызқәа рыла ишьақәгылаз иобиективтәу ҭагылазаашьоуп”. Натали Смыр лажәақәа рыла, аҭыҧ змаз аҧсабаратә цәырҵрақәеи имаҷыз ауреи урҭ иреиуоуп. Убри аан Натали Смыр ишазгәалҭаз ала, адепутатцәа иҟарҵаз ажәалагалақәа рыла абиуџьет аиҭакрақәа аларгалеит. Ахәҭакахьала, адепутатцәа иҟарҵаз аҳәамҭа ала, аиҭашьақәыргыларатә усурақәа рымҩаҧгареи, иара убас ихьыҧшым амассатә информациа ахархәагақәеи рзы иазҧхьагәаҭоу ахарџь 1 миллинки 200 нызықь мааҭи рыла еизырҳан. 

Ахәҭакахьала, Аҧсны аҧыза-министр ихаҭыҧуаҩ Беслан Ешба, азакәан апроект аҿы адепутатцәа иҟарҵаз ажәалагалақәа зегьы ҳасаб рызуп, ауалафахәқәеи атәанчаҩхәқәеи рзы иҟаз ауал аркуп ҳәа адыррақәа ҟаиҵеит. 

“2018 шықәсазы Аҳәынҭқарратә биуџьет азы” азакәан апроект Аҧсны Жәлар Реизара-Апарламент аилатәара аҵыхәтәантәи аҧхьара аҿы ирыдыркылеит.

Иара убас, Аҧсны Жәлар Реизара – Апарламент аилатәара аҵыхәтәантәи аҧхьара аҿы Аҧсны абиуџьетнҭыҵтәи Афондқәа рбиуџьетқәа рзы азакәан апроектқәа рыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа