Ажәабжьқәа

Аҧсны Жәлар Реизара – Апарламент аделегациа Ростовтәи аобласт Азакәанҧҵаратә Еизара 25-шықәса ахыҵра иазку аусмҩаҧгатәқәа ирылахәхоит

167
02.04.2019 13:29
Аҧсны Жәлар Реизара – Апарламент аделегациа Ростовтәи аобласт Азакәанҧҵаратә Еизара 25-шықәса ахыҵра иазку аусмҩаҧгатәқәа ирылахәхоит
Аҧсны Жәлар Реизара – Апарламенти Ростовтәи аобласт Азакәанҧҵаратә Еизареи Алада-Урыстәылатәи Апарламенттә Ассоциациа аҿы аусеицура аҳәаақәа ирҭагӡаны аусеицура рыбжьоуп.

Аҟәа. Мшаҧымза 2. Аҧсныпресс. Аҧсны Жәлар Реизара аиҳабы ихаҭыҧуаҩ Левон Галустиан напхгара зиҭо апарламенттә делегациа Ростовтәи аобласт Азакәанҧҵаратә Еизара 25-шықәса ахыҵра иазку аусмҩаҧгатәқәа ирылахәхоит.

Иара убас аделегациа аилазаараҿы иҟоуп Гиви Кәарҷиа – Аҧсны Жәлар Реизара – Апарламент аграртә политикеи, аҧсабаратә ресурсқәеи аекологиеи рзы Аилак ахантәаҩы ихаҭыҧуаҩ, Вадим Бжаниа – Аҧсны Жәлар Реизара Аусбарҭа аиҳабы.

Апарламенттә делегациа ахаҭарнакцәа ростовтәи рколлегацәа  Аҧсны Жәлар Реизара-Апарламент аиҳабы Валери Кәарҷиа иҟынтәи Ростовтәи аобласт Азакәанҧҵаратә Еизара ахантәаҩы Александр Ишьенко иахь иишьҭыз адныҳәаларатә шәҟәы рырҭеит. Адныҳәаларатә шәҟәы аҿы Валери Кәарҷиа иазгәеиҭеит: “Иҳаҩсыз ашықәсқәа ирылагӡаны Ростовтәи аобласт Азакәанҧҵаратә Еизара адепутатцәа акыр зҵазкуа аҳәынҭқарратә зҵаарақәа рыӡбара иазкны зымҽхак ҭбаау аусура нарыгӡеит: арегион ауаажәларра-политикатә, асоциал-економикатә ҧсҭазаара  иадҳәалоу еиуеиҧшым аусхкқәа рҿы азинтә нормақәа шьақәзыргыло абазатә закәанқәа рыдкылареи рынагӡареи алыршан”.

Убри аан, Аҧсны Жәлар Реизара – Апарламент аиҳабы Аҧсны Аҳәынҭқарреи Урыстәылатәи Афедерациа Ростовтәи аобласт Азакәанҧҵаратә Еизареи ирыбжьоу аимабзиаратә, аусеицуратә еизыҟазаашьақәа, Аҧсны Аҳәынҭқарреи Урыстәылатәи Афедерациеи еиуеиҧшым аусхқәа рыла русеицура аринахысгьы  хра злоу аҿиара ишазкхо азы агәрагара ааирҧшит.

Валери Кәарҷиа Александр Ишьенкои Ростовтәи аобласт Азакәанҧҵаратә Еизара адепутатцәеи активла аусуреи, иӡбатәны иқәдыргылаз рхықәқәеи рхыдҵақәеи рыӡбараҿы ақәҿиарақәеи рзеиҕьаишьеит.


(АП): Урыстәылатәи Афедерациа ростовтәи аобласт Азакәанҧҵаратә Еизара актәи ааҧхьара алхрақәа мҩаҧган хәажәкырамза 27, 1994 шықәса рзы.  Аҧсны Жәлар Реизара – Апарламенти Ростовтәи аобласт Азакәанҧҵаратә Еизареи Алада-Урыстәылатәи Апарламенттә Ассоциациа аҿы аусеицура аҳәаақәа ирҭагӡаны аусеицура рыбжьоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа