Ажәабжьқәа

Популярное

Аԥсны Жәлар Реизара адепутатцәа ажурналистцәеи дареи русеицуразы иаартуп.

366
03.08.2012 16:30

Аԥсны Жәлар Реизара адепутатцәа ажурналистцәеи дареи русеицуразы иаартуп. Абри атәы иҳәеит Жәлар Реизара ахада Валери Бганба аԥшьашаҽны, ԥхынгәымза 2 рзы имҩаԥгаз апресс-конференциаҿы. «Ҳара аусеицура ҳазҿлымҳауп, ҳусура инарҭбааны, ииашаны ахцәажәара ҳадгылоуп»,- азгәеиҭеит иара.

Аспикер ажурналистцәа иреиҳәеит ахыркәшара ишаҿу Жәлар Реизара асаит аус адулара. «Ҭагалан инаркны ҳара иҳалшар ҟалап аинформациа асаит ала аларҵәара, иара убасгьы ас еиԥш иҟоу апресс-конференциақәа мҩаԥгалахоит. Ҳара ҳгәы иҭоуп азакәанқәа рыпроектқәагьы асаит аҭагалара, ауааԥсыра ироурц алшара урҭ рыхцәажәаразы, разгәаҭарақәа ааныжьразы. Ҳара иаҳҭахуп ҳсаит Аԥсны анҭыҵгьы азҿлымҳара аиурц»,- азгәеиҭеит аспикер.

Аԥсуа телехәаԥшраҿы адырраҭара азҵаара аҭак ҟацо Бганба иазгәеиҭеит макьана ҩынтә шакәу уи адырраҭара анҭыҵхьо. «Сара сгәаанагарала макьана аус адулатәуп. Уи шәара шәколлегацәа рнапы иануп адырраҭарақәа аинтерес аҵаны иҟаларц азы. Ҳаналагоз уи мариоуп ҳәа ҳгәы иаанагон, аха нас иаабеит ишуадаҩыз. Уажәы адырраҭара аиӷьтәразы аус аауеит»,- иҳәеит иара.

Апресс-конференциаҿы амассатә информациатә хархәагақәа рзы азакәан аԥсахрақәа алагалара азҵаара шьҭырхит. «Ауадаҩрақәа ыҟазар ҳара шәзыӡыҩрра ҳазыхиоуп. Шәгаанагарала аԥсахрақәа алагалатәзар, ма иҿыцу азакәан ҳадаҳкылароуп ҳәа шәгәы иаанагозар, ҳара ҳазыхиоуп уи алацәажәара»,- иҳәеит Жәлар Реизара ахада Валери Бганба.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа