Ажәабжьқәа

Популярное

Аҧсны Жәлар рартист Уасил Царгәыш–80 шықәса ихыҵит!

359
01.02.2018 13:20
 Аҧсны Жәлар рартист Уасил Царгәыш–80 шықәса ихыҵит!
Аҧсны Аҳәынҭқарра Ахада Рауль Ҳаџьымба Жәлар рартист, Аҧсны аҳәынҭқарратә жәлар рашәаҳәареи рыкәашареи зҽаҧсазтәыз ансамбль адиректор Уасил Царгәыш– 80 шықәса ихыҵира инамаданы дидныҳәалеит.  

Аҟәа. Жәабранмза 1. Аҧсныпресс. Дамеи Касланӡиа. Аҧсны Аҳәынҭқарра Ахада Рауль Ҳаџьымба Аҧсны Жәлар рартист, Аҧсны аҳәынҭқарратә жәлар рашәаҳәареи рыкәашареи зҽаҧсазтәыз ансамбль асахьаркыратә напхгаҩы, адирижиор хада, адиректор Уасил Царгәыш 80 шықәса ихыҵира аиубилеи идиныҳәалеит. 
   
Рауль Ҳаџьымба Уасил Царгәыш агәабзиареи аизҳазыҕьареи ақәиҿиарақәеи изеиҕьаишьеит: “Аҧсуа жәлар рҟазараҿы Шәара шәызнысыз амҩа ҳтәылаҿы зегьы ибзианы ирдыруеит.  Шәара напхгара зышәҭо аҳәынҭқарратә ансамбль аӡбахә Аҧсны анҭыҵгьы ираҳахьеит. Сара иахьа шәнапы злаку аус аҿы  иҵегьы акыр шықәса аихьӡара ҿыцқәа раарҧшра шшәылшо азы агәра згоит. Ишәзеиҕьасшьоит агәабзиара, арҿиаратә лшарақәа», - ҳәа иҳәеит Аҳәынҭқарра Ахада. 

Анаукеи акультуреи аҵарадырреи рзы Аҳәынҭқарра Ахада иабжьгаҩ Владимир Занҭариа инаҵшьны иазгәеиҭеит: "Шәара ансамбль анаҧхгаҩык иаҳасабала шәеихьӡарақәа даара идууп. Аха уи адагьы Шәара зхыҧхьаӡара шәкы инареиҳау ашәақәеи егьырҭ амузыкатә рҿиамҭақәеи шәравторуп”.  

Акультуреи аҭоурых-культуратә ҭынхеи рыхьчаразы аминистр ихаҭыҧуаҩ  Беслан Ҕурџьуа  зиубилеи азгәарҭо аҟаза ихьӡала адныҳәаларақәа ирыцҵаны, агәамчи арҿиаратә еихьӡара ҿыцқәеи изеиҕьеишьеит. 

Ахәҭакахьала, Уасил Царгәыш ииуз аҳаҭырқәҵара азы еизаз зегьы ҭабуп ҳәа реиҳәеит. 

Аиҧылара ахыркәшамҭаз Аҧсны Аҳәынҭқарра Ахада Уасил Царгәыш агәалашәаратә ҳамҭақәа ианеишьеит.  


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа