Ажәабжьқәа

Популярное

Аԥсны жәлар Рџьынџьтәылатә еибашьра иалахәыз 171-ҩык аҳәса-аветеранцәа «Аибашьраҿы агәымшәаразы» амедалқәа ранашьоуп.

375
24.09.2013 17:15

Аԥсны жәлар Рџьынџьтәылатә еибашьра иалахәыз 171-ҩык аҳәса-аветеранцәа «Аибашьраҿы агәымшәаразы» амедалқәа ранашьоуп. Иахьа атәылахьчара аминистр Мираб Кьышьмариа аветеранцәа аҳамҭақәа ранаишьеит.

«Аибашьраҿы агәымшәаразы» амедал Аԥсны Аҳәынҭқарра Атәылахьчара аминистрра иаԥнаҵеит  Аиааиара 20 шықәса ахыҵра инақәыршәаны, уи ранаршьоит  аибшьра анцоз аамҭан «агәымшәареи афырхаҵареи» аазырԥшыз.

«Ҳара ҳаиӷәырӷьоит Аиааира 20 шықәс ахыҵра ҳахьеицаԥылоу. Ишәыдысныҳәалоит аныҳәа, ишәзеиӷьасшьоит аҭынчра, шәуацәеи шәҭахцәеи ирзеиӷьасшьоит анасыԥ»,- иҳәеит Ар ринрал.

Мираб Кьышьмариа иазгәеҭеит ишырыӡбаз зегь раԥхьа амедалқәа аҳәса-аветеранцәа иранаршьарц.

Еизаз минуҭқтәи аҿымҭрала иргәаладыршәеит Аԥсадгьыл зхы ақәызҵаз зегьы.

Аибашьра аветеран Надежда Ашәԥҳа илыцеибашьуаз рыхьӡала иҭабуп ҳәа ралҳәеит хаҭа-хаҭала зегь ахьыргәалашәаз, амедалқәа ахьранаршьаз азы.

Атәылахьчара аминистрра акадрқәа рыҟәша аиҳабы аполковникАлександр Антипов даҽа сиак аӡбахә иҳәеит, уи инақәрышәаны 248-ҩык аҳәса-аветеранцәеи ахацәа-асанинструкторцәеи Атәылахьчара аминистрра «Аиааира 20 шықәса» амедал ранашьахоит.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа