Ажәабжьқәа

Аҧсны Иреиҳаӡоу аӡбарҭа аҧхынра 2017 шықәсазы урыстәылатәи атурист ишьра инамаданы аусеилыргара мҩаҧнагоит

1144
20.04.2018 14:36
Аҧсны Иреиҳаӡоу аӡбарҭа аҧхынра 2017 шықәсазы урыстәылатәи атурист ишьра инамаданы аусеилыргара мҩаҧнагоит
Ауселыргара аус аӡбарҭа ахь ианнеи инаркны 14 мшы иахымгакәа ихацыркхоит.

Аҟәа. Мшаҧымза 20. Аҧсныпресс. Аҧсны Иреиҳаӡоу аӡбарҭа ахь аишьцәа Даури Адгәыри Џьынџьалаа рганахьала ихацыркыз аусеилыргара нашьтын. Абри атәы аанацҳауеит Аҧсны Иреиҳаӡоу аӡбарҭа апресс-маҵзура.

Аацҳамҭа аҿы ҷыдала иазгәаҭоуп: “Заанаҵтәи аусеилыргарала Адгәыр Џьынџьал, Аҧсны Ашьаустә Закәанеидкыла ахәҭаҷ 99, 2-тәи ахәҭа, апунктқәа “з”, “к”; ахәҭаҷ 160, 2-тәи ахәҭа, апунктқәа “а”, “г”, ахәҭаҷ 159, 3-тәи ахәҭа рыла иазҧхьагәаҭоу ацәгьоуразы ахара идҵоуп.

Даур Џынџьал иганахьала акәзар, аусеилыргара аусбарҭа ала, Аҧсны Ашьаустә Закәанеидкыла ахәҭаҷ 159, 3-тәи ахәҭа; ахәҭаҷ 119, 2-тәи ахәҭа, апунктқәа “б”, “в”, “г”, “д”, “е”, “ж”, ; ахәҭаҷ 160, 2-тәи ахәҭа, апунктқәа “а”, “г”;ахәҭаҷ 217, 1-тәи, 4-тәи ахәҭақәа рыла иазҧхьагәаҭоу ацәгьоуразы ахара идҵан.

Рашәарамза 11, 2017 шықәса рзы Гәдоуҭа араион апрокуратура Москвантәи Аҧсныҟа иааз атурист Андреи Кабанов ишьреи уи иҭаацәа иреиуаз иҧаареи рзы ашьауҕатә усеилыргара хацыркын. Андреи Кабанов иҭаацәа рганахьала имҩаҧгаз ақәылара иахҟьаны, 1984 шықәсазы ииз аҭаацәа реиҳабы Андреи Кабанов ҳәызбала ҩынтә ахәра инҵан. Андреи Кабанов ииоуз ахәрақәа ирыхҟьаны иҧсҭазаара далҵит. Уи ицын ҩыџьа ихәыҷқәеи иҧшәма ҧҳәыси, иара убас даҽа ҭаацәараки- хаҵеи ҧҳәыси, ҩыџьа рхәыҷқәеи. Урҭ дырҧааит, ацәгьоуцәа мчыла аҿыхга дыршәара рҽазыршәеит. Аха имҩаҧгаз аоперативтә усмҩаҧгатәқәа ирыбзоураны атҟәацәа рхы иақәиҭтәын.

Даур Аџьынџьал иганахьала ҧырҟәҟәаагаз изалхын аҭакра.

Ашьаус аилыргара лыдҵоуп Иреиҳаӡоу аӡбарҭа аӡбаҩ Екатерина Онишьенко.

Ауселыргара аус аӡбарҭа ахь ианнеи инаркны 14 мшы иахымгакәа ихацыркхоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа